Injilo No Saŋ 7:1 - Gúloku Díino

¹ Angu afúrumi na, Yensa afaalen adékinah a didiirahu Galile bukawandinku jamaŋo. Na ganoohne bukawandinku jamaŋo mara lókiireŋ k'afúrum Galile adék a didiirahu Júde. Aji úfegi lókiireŋ k'afúrum Galile adék ba Júde maro na ñanlaameku Ñanyahudo gantíbehne bigokunom. Angu, gúmár akanne anoohi na a didiirahu Galile.

Injilo No Saŋ 7:1 ပူးပေါင်းရင်းမြစ်များ

Injilo No Mak 11:18

Afúrumi na, ñanlaameku alimaamaŋo ingi ñankeekihu Hañaañeno anyennehin imbi jamaŋo ho Yensa akanne. Anfak anfég ni jamaŋo ampokunne kawandhu Yensa k’andankah n’ajónne. Banfégi hómár, apaareeniŋ k’ambenuh. Angu anlah gukanku janf ba bubujhunom.

Injilo No Saŋ 1:19

Ñanlaameku Ñanyahudo m’angune a bukooro b’aretuhne Jerusalem ansíibáásiib búpájul a nintiku Yaya. Angu, ambúuñbuuñ ñanlaameku alimaamaŋo impinam ingi m'anyéjuhne Ñanleefi ba a binaanam. Bampút ammiihem anyéjem: - Fi nuko, fi ugune hantaŋ? Angu f'ammiihemne nim, Yaya foyuroŋ búteekinkinin. Inini galóbne arenn a sígihu jamaŋo nip ayéjeeniŋ:

Injilo No Saŋ 4:3

Angu, Yensa bayennehini jamaŋo n’anlóbohne hómár, anfúror a didiirahu Júde k'andék aŋŋoolin ba a didiirahu Galile ingi ñantaalibehinem.

Injilo No Saŋ 4:54

Angu tamaseero nómár Yensa anakinne a didiirahu Galile f'aŋoolintne a didiirahu Júde.

Injilo No Saŋ 6:1

Angu dam babáári, Yensa ingi ñantaalibeŋo andék anjuc jakaamo n’aretuhne Galile. Kanda jakaamo nómár ayikyik guret gúduk mees. Tiberiyad ingine gurethinem gunakinno.

Injilo No Saŋ 7:11

Angu na Jerusalem, a waathu gújuŋo, ñanlaameku Ñanyahudo ankomb bútibhu Yensa. Kanda fégurom. K’angu anyéjeh: - Angu inini umoraŋ?

Injilo No Saŋ 7:19

Inini, ninkinan, eke Anabila Musa adoohutoonuŋdoohut Luwaŋanku Díino? Kanda ninkinan, haani úmánduk búuñaaraŋ hómár. Angu horaŋ akanne útibheŋ bigokum?

Injilo No Saŋ 7:25

Angu índukoŋo m’angune Jerusalem, banyennehini ni Yensa akawandahne anyéj: - Kanda mintor! Eke bigoku ummu ñanlaamekintor gantíbehne?

Injilo No Saŋ 7:35

Angu balóbi nim, ñanlaameku Ñanyahudo ammiihayeh k’anyéjeh: - Kanda, mintor! N’ayéjne mintor, aŋoolindir dimpirenoŋ k’ínfegomoŋ. Neeraŋ gasíibane búyejo na? Angu beeraŋ gañantane adék bi dínfegomoŋne? Bam beeraŋ gadékehne? Karo alahlah ba hadék ba imbi Ñanyahudo m’andékne k’anguy akooroŋo n’aŋantinne? Karo nuko aguyhuneh ba bukawandinku mi guyroŋoŋne Ñanyahud?

Injilo No Saŋ 8:37

Inini me nuko, ípápájul maro ninkinan a muhenku Ibrahiima gúfurunteŋne, kanda maŋ nim guŋayeŋne bútibhu bigokum. Nim guŋayeŋne bukaano maro lahudumuŋ balókum.

Injilo No Saŋ 8:40

Kanda me gíteekinkoonuŋteekin marigeno no Díino atéekineemne. Kanda ninkinan uŋayeŋŋay bukaano ho Ibrahiima kaanahadaŋne, maro ninkinan bigokum gútibheŋne.