Injilo No Saŋ 6:2 - Gúloku Díino

² Angu jamaŋo banfégi Yensa ingi ñantaalibeŋo n’aŋŋane hadéko, ñanlabahi ankokálineeniŋ maro anféfeg ni Yensa ahatne bújebunku ñanraagofoŋo, ingi bukanku tamaseereŋo mees.

Injilo No Saŋ 6:2 ပူးပေါင်းရင်းမြစ်များ

Injilo No Mak 1:45

Nim Yensa ayéjne údiigeeno. Kanda údiigeeno búuñaaraŋ ho Yensa alóbemne. Badoonahi akomb gúteekinku jamaŋo nip ho Yensa akandáremne. Angu n’akanne nim, afúrumi waato nómár, Yensa gara abolleneh hadék a akooroŋo. Adék aguy a kanaŋaŋo ki jamaŋo anfúruntoh beŋen beŋen andékeh anlahunkam bim.

Injilo No Mak 6:33

Kanda f'aŋŋane hadéko ayikyik índukoŋ m'anfégeeniŋ k'anyiteeniŋ. K'angu andóorlar jakaamo gúbido g'akepne andék antúyeeniŋ bim. Anfúrumfurum akooroŋo no resiyoŋo nómár nip andék antúy bim Yensa. Gúmár akanne Yensa, bampúti anlahun na jamaŋo jup.

Injilo No Saŋ 11:47

Angu immereŋ ingi ñanlaameku alimaamaŋo, banyennehini hómár anhuy jamanku Tilibinaalo Adénno nip k'andéker ki k'anwooñ. Angu f'anjógne ammiihay anyéj: - Ingah! Údiigeeno úmár, neeraŋ giññantane inkaanomoŋ? Gakaanakaan tamaseereŋ alabayeŋ.

Injilo No Saŋ 12:18

Gúmár akanne jamaŋo andékiri anrumun tip ba bubendihu Yensa maro anyennennehin tamaseero nómár no Yensa akanne.

Injilo No Saŋ 12:37

Angu Ñanyahudo, haani Yensa akaan tamaseereŋo alabahi a sígihinin, lókiireŋeŋ bufiyinkinem.

Injilo No Saŋ 2:11

Angu tamaseero nómár, nómár agune aliiho no Yensa ajellihinne jamaŋo. Akankaan nómár a saariŋo n'aretuhne Kana. Agida Kana agune a didiirahu Galile. Na gajellihinne jamaŋo bafukunom b'afúruntne imbi Díino. Angu ñantaalibehinem, banfégi hómár, anfiyumem.

Injilo No Saŋ 2:23

Angu, a gújuŋo g’ayéjuhne Gújunku Guwusunaamo, Yensa gakaanakaan tamaseereŋo Jerusalem. Ñanlabahi banfégi tamaseereŋo nómáráŋ, anfiyumem a gubaarhu hómár.

Injilo No Saŋ 20:30

Agida, Yensa akankaan tamaseereŋo jup no mint ñantaalibehinem ífegminne. Adúkoŋo ñaañiiraa nanka.

Injilo No Saŋ 3:2

Angu ayikyik jaket n'adék ba imbi Yensa. Bapúti ayéjem: - Arafaŋ, mint ípájulmiŋpájul maro Díino abúuñurenne a binent k'ujellihin mint binaahánam. Ingah! Aji Díino búuñururower, dupiren k’úfunnoh tamaseereŋo n’ófunnohne. Gúmár gípájulminne maro Díino abúuñurenne.

Injilo No Saŋ 6:14

Angu jamaŋo f'anfégne tamaseero no Yensa akanne andak anyéj: - He! Marigen kaama! Údiigeeno ummu, úmár agune Anabiyoŋo mu Díino ayéjne adék adékekineh a duniyaŋo inno.

Injilo No Saŋ 6:22

Angu gucunkunom, jamaŋo m'anroŋurerne gúbido gu beŋen k’ankáberne úmbuuro déegen aŋŋay gumiihálaŋo . Ampájul maro Yensa gireŋ na. Agida déegen anfégfeger maro sídeen ínsenduk agune na. Kanda ampápájul mara Yensa yifaaraŋ a sídeeno símár. Ñantaalibehinem bareŋ anyifane k’anjuc. Angu antúyoh na múndeen múnduk ki nim immereŋ mees ampiren anjuc. Amiñaamiñ múndeen anfúrumor a saariŋo n'ayéjuhne Tiberiyad andéker ba ka jamaŋo anjógne bútuyhu múndeeno. Agida n'anjóg bi kantígo k’ankáberne úmbuuro déegen. Agida na Yensa aramunerne Díino k'anéer jamaŋo k'ankáb úmbuuro fo anhay.

Injilo No Saŋ 6:26

Yensa aŋoyindeeniŋ ayéjeeniŋ: - Ninkinan! Horaŋ akanne k'uŋayaŋ bukokulinkum? Janteneŋ baŋ k’íteekinoonuŋ marigeno. Ingah! Bukokulinkum guŋayeŋne a gubaarhu n'icuufendoonuŋne ayéerenkinan déegen! Ingah! Ninkinan, ii, guyroŋ kari uningeŋning a tamaseereŋo n'ikanne, k'uyitemuŋ me ingine hantaŋ. Wówo! Hómár gireŋ! Maŋ n'icuufendoonuŋne ayéerenkinan akanne utifuremuŋ!

Injilo No Saŋ 6:30

Yensa balóbi nim, jamaŋo anfak anyéjem: - Inini, kandut mint tamaseer adúk, nim ungu ipirenmiŋ ídommiŋ gúlokon k’ifiyumomiŋ! Ingah! Maamaamankintor, ii, eke fam f'anguyerne a kanaŋaŋo ingi Musa, anfoolafoola a waato nómár jafoolaŋo j'aretuhne manaho? Aññañaañ a Hañaañeno anyéj: «Anaheeniŋnah úmbuuro n'afúruntne arjanna k'ankáb.» Angu, fi nuko, neeraŋ gúdekehne bukandukint?