Injilo No Saŋ 5:18 - Gúloku Díino

¹⁸ Fo Yensa alóbne nim, Ñanlaameku Ñanyahudo anfaŋunum n'antíbeh bigokunom. Fégeŋ baŋ, immereŋ guyroŋ karo ni Yensa ajébunne wúuro da bísibaŋo bi guyohálaŋo, guyroŋ karo hómár bareŋ ganhóojaremne. A gubaarhu n’ayéjne Díino Báábám, gúmár akanne anfaŋunum n’aññumul ingi Yensa. Na akankaan iniman Yensa ayéjyej ammumur ingi Díino. Angu, gúmár akanne aññuumuli.

Injilo No Saŋ 5:18 ပူးပေါင်းရင်းမြစ်များ

Injilo No Saŋ 1:19

Ñanlaameku Ñanyahudo m’angune a bukooro b’aretuhne Jerusalem ansíibáásiib búpájul a nintiku Yaya. Angu, ambúuñbuuñ ñanlaameku alimaamaŋo impinam ingi m'anyéjuhne Ñanleefi ba a binaanam. Bampút ammiihem anyéjem: - Fi nuko, fi ugune hantaŋ? Angu f'ammiihemne nim, Yaya foyuroŋ búteekinkinin. Inini galóbne arenn a sígihu jamaŋo nip ayéjeeniŋ:

Injilo No Saŋ 10:30

Úpájuleŋ, me ingi Bááhum ikaanmiŋkaan iniman wúur úmánduk.

Injilo No Saŋ 10:33

K'anyéjem: - Mint dipadomiŋ bawaalo mara ukankaan hójooni. Aji úfegi n’ísiibaminne bubujhon maro n'upuñohne gurethu Díino. Fi úyejeh, fi ugune Díino. Agida fi uraagof bareŋ.

Injilo No Saŋ 14:23

Ayéjem: - Ingah! Afeerofeer mara wúuro m'apokuneemne abúuñaháneh kawandhum. Faka wúuro, aji úbuuñay kawandhum, Bááhum mees apokunkuno. Me ingi Bááhum ídekhinemiŋ k’iguymiŋ ingi wúuro úmár.

Injilo No Saŋ 14:9

Balóbi nim Yensa aŋoyindem ayéjem: - Jeh Filip! Me amiñmiñ f'egune ingi ninkinan, kanda haani maŋ nim karo fi pájiirum? Ingah! Wúuro m'afégeemne, aféfeg Bááhum Díino mees. Inini horaŋ akanne k'úyej ijellihinoonuŋ Bááhum?

Injilo No Saŋ 19:7

K'anyéjem: - Ingah! Ummu, ii, ayikyik luwahint n'ajégum. N'ayéjne úmár Úbáku Díino, úmár añantay aniiro.

Injilo No Saŋ 5:15

Angu, batéekinem nim, údiigeeno adék alahun ñanlaameku Ñanyahudo k'anik atéekineeniŋ maro Yensa ajébinemne.

Injilo No Saŋ 5:16

Angu ñanlaameku Ñanyahudo, f'ampájulne maro Yensa ajébunne wúuro da bísibaŋo bi guyohálaŋo, ankomb bulabárindikinem balóbo.

Injilo No Saŋ 5:17

Yensa ayéjeeniŋ: - Ninkinan! Káriman fam Bááhum Díino bísiba bísiba gadoohohne. Me mees iñantay idoho bísiba bísiba.

Injilo No Saŋ 5:23

ki nim jamaŋo ampiren ambúuñaham maŋ ni ambúuñane Báábám. Fégeŋ baŋ! Aji búuñaaro Úbárám, búuñaaro Báábám m'abúuñuremne.

Injilo No Saŋ 7:1

Angu afúrumi na, Yensa afaalen adékinah a didiirahu Galile bukawandinku jamaŋo. Na ganoohne bukawandinku jamaŋo mara lókiireŋ k'afúrum Galile adék a didiirahu Júde. Aji úfegi lókiireŋ k'afúrum Galile adék ba Júde maro na ñanlaameku Ñanyahudo gantíbehne bigokunom. Angu, gúmár akanne anoohi na a didiirahu Galile.

Injilo No Saŋ 7:19

Inini, ninkinan, eke Anabila Musa adoohutoonuŋdoohut Luwaŋanku Díino? Kanda ninkinan, haani úmánduk búuñaaraŋ hómár. Angu horaŋ akanne útibheŋ bigokum?

Injilo No Saŋ 8:54

Yensa aŋoyindeeniŋ ayéjeeniŋ: - Ingah! Me guyroŋ karo guyoofunoora giŋane. Aji iyoofunooray, guyoofunooraŋo g’eyoofunoorane dayik nafa. Kanda Bááhum Díino, úmár gayoofunkumne. Abocin ayéjeeniŋ: - Ninkinan, ingah! Gúyejheŋyej úmár guramunkaŋne k’uhuyomoŋ Díino. Nim gúyejeheŋne.

Injilo No Saŋ 8:58

Ayéjeeniŋ: - Janteneŋ baŋ k'íteekinoonuŋ marigeno. Me, jandiŋ Ibrahiima babosumaane, me igune m’igune.