Injilo No Saŋ 5:10 - Gúloku Díino

¹⁰ Angu baŋay hadéko, anrah ingi ñanlaameku Ñanyahudo. Immereŋ anyéjem: - Fi n'udoohunane pajaaso k’uŋay hadéko, agida mintor luwankintor nédeŋ nim da bísibaŋo bi guyohálaŋo.

Injilo No Saŋ 5:10 ပူးပေါင်းရင်းမြစ်များ

Injilo No Mak 2:24

Angu ñanfarasiyaŋo índukoŋo m'angune na f'anfégne hómár andék anlahun Yensa k'anyéjem: - Fi, horaŋ akanne ñantaalibehen ankaan inho a bísibaŋo bi guyohálaŋo, agida adiigumaadiigum? Nim ñanfarasiyaŋo ammiihne Yensa.

Injilo No Mak 3:4

Bayéjem nim údiigeeno akeng ki Yensa amiihul jamaŋo ayéj: - Luwahu Díino, neeraŋ gamiihulne? Gukanku hójooni a bísibaŋo bi guyohálaŋo, karo gukanku hójondoŋo? Gupahunku duniyahu wúur, karo gubuj? Balóbi nim, jamaŋo ankota si.

Injilo No Saŋ 1:19

Ñanlaameku Ñanyahudo m’angune a bukooro b’aretuhne Jerusalem ansíibáásiib búpájul a nintiku Yaya. Angu, ambúuñbuuñ ñanlaameku alimaamaŋo impinam ingi m'anyéjuhne Ñanleefi ba a binaanam. Bampút ammiihem anyéjem: - Fi nuko, fi ugune hantaŋ? Angu f'ammiihemne nim, Yaya foyuroŋ búteekinkinin. Inini galóbne arenn a sígihu jamaŋo nip ayéjeeniŋ:

Injilo No Saŋ 5:11

Úmár aŋoyindeeniŋ ayéjeeniŋ: - Me, wúuro m'ajébuneemne ayéjeemne ikeng k'idooh pajaashum k'ídek. Angu, ikeng k’ikaan maŋ nim.

Injilo No Saŋ 5:15

Angu, batéekinem nim, údiigeeno adék alahun ñanlaameku Ñanyahudo k'anik atéekineeniŋ maro Yensa ajébinemne.

Injilo No Saŋ 5:16

Angu ñanlaameku Ñanyahudo, f'ampájulne maro Yensa ajébunne wúuro da bísibaŋo bi guyohálaŋo, ankomb bulabárindikinem balóbo.

Injilo No Saŋ 7:23

Eke ninkinan, usunnahunaŋ kowol kódiigeen a bísibaŋo bi guyohálaŋo ba gúbuuñahu Luwahu Musa? Angu inini, horaŋ akanne k'uñuumuloŋ ingi me a gubaarhu n'íjebunne bigoku wúuro a bísibaŋo bi guyohálaŋo?

Injilo No Saŋ 9:16

Angu údiigeeno m’apímerne, balóbi nim mees imbi m'angune na, sinfacálayo atoŋ. Ñanfarasiyaŋo anyéjeh: - Ingah! Wúuro m’akanne inho dapiren k’aguy wúur m'afúrumor imbi Díino! Maro aji gabúuñabuuña Díino, dakaan h’akanne a bísibaŋo bi guyohálaŋo . Kanda ñanlaamero índukoŋo anyéjeh: - Ummu újooni! Maro aji úmár ummu jínuboŋer, hóge apirenkineh bukanku tamaseereŋo innoŋ n'akaanahne? Angu fam gantoŋne sinfacálayo, ankaan habíd hanak.