Injilo No Saŋ 3:34 - Gúloku Díino

³⁴ Fégeŋ baŋ, Díino abúuñurne údiigeeno úmár. Angu, gúmár akanne alóboh h’afúruntne imbi Díino. Díino ganéerumehne Jamméejhinem, te yikireŋ k’amuk. Angu, gúmár gapirenkinehne atéekin jamaŋo kúmbuuñanku Díino.

Injilo No Saŋ 3:34 ပူးပေါင်းရင်းမြစ်များ

Injilo No Saŋ 1:16

Angu, n'ayikne bankabaŋo dáde akankaan bajóon balabahi a binentor, ba yikireŋ k'amuk.

Injilo No Saŋ 15:26

Kanda Úkááñinumo m’íloboherne falino, úmár afúrumokuneh imbi Bááhum Díino k'adéker aguy ingi ninkinan moŋon moŋon. Úmár ingine Jamméejhu Díino Jarenninno j'ajellihinumehne jamaŋo marigeno a gúbidhu Díino. Angu me ii, iguydir imbi Bááho, íbuuñokunom ba a binanan. Apútodir a binanan, aséediyaháneh gu me.

Injilo No Saŋ 16:7

Ingah! Ídek, akohumoonuŋne. Marigeno gílobohne. Fégeŋ baŋ, iñantay ídek maro aji dékiri, m’ayéjuhne Úkááñinumo dapiren k’adéker ba a binanan. Kanda aji ídeki, íbuuñokunom ba a binanan. Gúmár akanne iñantay iliiŋun hadékum.

Injilo No Saŋ 3:17

Yensa abocin ayéjem: Fégeŋ baŋ, Díino búuñururoŋ Úbárám a duniyaŋo ki k’aguy ukitunku jamaŋo. Abúuñurembuuñ a duniyaŋo ki k’aguy upahunku jamaŋo.

Injilo No Saŋ 5:26

Bááho ganéerumehne kanjébo. Kanda Bááho anéneer Úbárám mees sembeŋo no bukanduku wúuro kanjébo.

Injilo No Saŋ 7:16

K’angu Yensa ayéjeeniŋ: - H'élobohne fúrunturoŋ a binaam. Imbi m'abúuñureemne gafúruntne.

Injilo No Saŋ 8:40

Kanda me gíteekinkoonuŋteekin marigeno no Díino atéekineemne. Kanda ninkinan uŋayeŋŋay bukaano ho Ibrahiima kaanahadaŋne, maro ninkinan bigokum gútibheŋne.

Injilo No Saŋ 8:47

Kanda m'agune ingi Díino, úmár gayennehineyennehin Gúloku Díino. Kanda ninkinan guyroŋ ingi Díino, gúmár akanne ufoyeŋ buyennehindukum.