Injilo No Saŋ 3:2 - Gúloku Díino

² Angu ayikyik jaket n'adék ba imbi Yensa. Bapúti ayéjem: - Arafaŋ, mint ípájulmiŋpájul maro Díino abúuñurenne a binent k'ujellihin mint binaahánam. Ingah! Aji Díino búuñururower, dupiren k’úfunnoh tamaseereŋo n’ófunnohne. Gúmár gípájulminne maro Díino abúuñurenne.

Injilo No Saŋ 3:2 ပူးပေါင်းရင်းမြစ်များ

Injilo No Mak 12:14

Angu bampútri imbi Yensa, anyéjem: - Arafaŋ, afefeer mint maro fi, maŋ marigeno doŋ gúlobohne. Benihuro ho jamaŋo anwosenkinehne. Guru únáknákáh gúteekinku wúuro marigeno a nintiku Díino. Guyroŋ umaasa, guyroŋ wol, guyroŋ ulaamer, gúteekineteekin jamaŋo nip n'aññantane aguyorum a duniyaŋo. Fi úwuuhi. Banlóbi nim mees, ankir ammiihem anyéjem: - Inini, umaasaŋo údenno Sesar, neeraŋ luwaŋankintor ayéjne? Hóge iññantahoŋ incaamomoŋ bahataŋo? Karo luwaŋo nédeŋ k'incaamoŋ? Fi nuko, neeraŋ gúyejne?

Injilo No Saŋ 1:38

Yensa baningilay, afég ñantaalibeŋo n’aŋŋayemne butifo. Ayéjeeniŋ: - Ninkinan, horaŋ gútibheŋne? Immereŋ aŋŋoyindem anyéjem: - Rabahi, beeraŋ gugune? Agida «Rabahi» agune «Arafaŋ» ingi gúlokánin.

Injilo No Saŋ 10:38

Kanda úfegeŋfeg dohoŋo n’ekanne a gurethu Bááhum Díino. Úfegeŋfeg tamaseereŋo n'ekanne. Angu inini, haani pirendoŋ k'ufiyumemuŋ, kanda kuku údomoŋ mara tamaseereŋo n'ekanne, a bahathu Díino gikanne. Nim ungu, aji údomeŋ hómár, úpájihineŋ maro Díino abúuñureemne . Aji ufiyumeŋ tamaseereŋo n’ekanne úpájihineŋ bandór maro Bááho ummo na a binaam, me moo na a binaanam.

Injilo No Saŋ 12:37

Angu Ñanyahudo, haani Yensa akaan tamaseereŋo alabahi a sígihinin, lókiireŋeŋ bufiyinkinem.

Injilo No Saŋ 14:10

Karo dómáro maro me mo na ingi Bááhum, ki Bááhum mees aguy ingi me? Ingah! Balóbo imba b'éloboonuŋne, fúrunturoŋ a binaam. Imbi Bááhum Díino gafúruntne. Agida Bááho m'agune a binaam, úmár gakaanahne dohohunom a gubaarhu h’élobohne.

Injilo No Saŋ 15:24

Ingah! Me ikankaan imbi immereŋ tamaseereŋo no índukoŋo kaanahadaŋaŋne. Aji ininkaman fégireŋeŋer tamaseereŋo n’ekanne, dangumb anyiker júnub. Kanda immereŋ anféfeg h’ekanne nip, kanda haman maŋ nim anfoyfoy Bááhum ingi me mees.

Injilo No Saŋ 2:11

Angu tamaseero nómár, nómár agune aliiho no Yensa ajellihinne jamaŋo. Akankaan nómár a saariŋo n'aretuhne Kana. Agida Kana agune a didiirahu Galile. Na gajellihinne jamaŋo bafukunom b'afúruntne imbi Díino. Angu ñantaalibehinem, banfégi hómár, anfiyumem.

Injilo No Saŋ 20:16

K'ayéjem: - Mariyama! F’ahuyemne nim, Mariyama ayitem k’anoorla ayéjem: - Rabuni! Agida Rabuni, nim agune «Arafaŋ» ingi gúlokinin guhebároŋo.

Injilo No Saŋ 3:26

Angu, ñantaalibeŋo anyéj Yaya: - Arafaŋ, hóge ulentálalentála údiigeeno m’adékirne a binankan buyicaŋo f’oguyerne gúbido gu beŋen gu jakanku Joodan? Údiigeeno m’uséediyahne úteekineh jamaŋo a nintiku úmár? Úmár ii, ummo bim buyichu jamaŋo. Kanda jamaŋo nip a binaanam gandékehne buruhu k’andéker a binankan!

Injilo No Saŋ 4:31

A waato nómár agida ni ñantaalibehinem anyéjeh: - Arafaŋ, yaahar!

Injilo No Saŋ 5:36

Ayéjeeniŋ: - Kanda iyikyik séed n’afaŋ ho Yaya akanne. Nómár agune tamaseereŋo no Bááhum ayéjeemne ikaan. Nómáráŋ afaŋumne gúseediyahu Yaya. Tamaseereŋo n'ekaanahne, nómáráŋ gaséediyahumne, afak ajellihin jamaŋo maro maŋ Bááhum abúuñureemne.

Injilo No Saŋ 6:2

Angu jamaŋo banfégi Yensa ingi ñantaalibeŋo n’aŋŋane hadéko, ñanlabahi ankokálineeniŋ maro anféfeg ni Yensa ahatne bújebunku ñanraagofoŋo, ingi bukanku tamaseereŋo mees.

Injilo No Saŋ 7:31

Agida ñanlabahi m'angune na anfiyumfiyum Yensa. Immereŋ anlóboh anhohayeh k'angu anyéjeh: - Kanda ummu! Añantay aguy Umaasaŋo mu Díino Acaabenne. Ninginteŋ tamaseereŋo n'akaanahne. Yikireŋ wúur m'afaŋam bukanku tamaseereŋo!

Injilo No Saŋ 9:16

Angu údiigeeno m’apímerne, balóbi nim mees imbi m'angune na, sinfacálayo atoŋ. Ñanfarasiyaŋo anyéjeh: - Ingah! Wúuro m’akanne inho dapiren k’aguy wúur m'afúrumor imbi Díino! Maro aji gabúuñabuuña Díino, dakaan h’akanne a bísibaŋo bi guyohálaŋo . Kanda ñanlaamero índukoŋo anyéjeh: - Ummu újooni! Maro aji úmár ummu jínuboŋer, hóge apirenkineh bukanku tamaseereŋo innoŋ n'akaanahne? Angu fam gantoŋne sinfacálayo, ankaan habíd hanak.