Injilo No Saŋ 3:18 - Gúloku Díino

¹⁸ Fégeŋ baŋ, m’anfiyumne Úbáku Díino, immereŋ danyik kayúulen ingi Díino. Kanda mi fiyindeŋeŋne Úbáku Díino, immereŋ mingu Díino aleklek balóbo mees k’ayéj anyúulenyuulen. Ni fiyindeŋeŋne Úbárám úmánduko, gúmár galekne balóbo k’ayéj immereŋ anyúulenyuulen. Yensa abocin ayéjem:

Injilo No Saŋ 3:18 ပူးပေါင်းရင်းမြစ်များ

Injilo No Mak 16:16

Aji wúur adómi gúloku Kúmbuuñaamo Kúnsuuminno kúmár k’anyica a gurethum, Díino apahánkánam. Kanda mu dómároŋne, Díino ayehenkinem.

Injilo No Saŋ 1:12

Haman maŋ nim, índukoŋo anlahuremlahur k’anfak anfiyumem. Kanda m’anlahuremne nip, úmár anéereeniŋneer binaal k’anguy imberenku Díino.

Injilo No Saŋ 1:18

Wúur fégahadaŋ Díino, kanda Úbárám úmánduko, atéejahemteeja k'afak aguy Díino. Fo úmár afútne, úmár ajellihinjellihin mintor ni Díino amíirne.

Injilo No Saŋ 20:31

Kanda, ingah! Tamaseereŋo innoŋ n'aññaañaane nanka, aññaañaañaañ ba bajónkánan, nim ungu úfegeŋ, ufiyumeŋ maro Yensa, úmár agune Umaasaŋo Mu Díino Acaabenne, Úbáku Díino. Nim ungu, aji ufiyumemeŋ, uyikinkineŋ na kanjébo ka bandór. Angu, hómár akanne líibáro inno añaañaa.

Injilo No Saŋ 3:16

Ingah! Díino apokunpokun dáde jamanku duniyaŋo nip. Angu a gubaarhu bupoko búmár b'apokuneeniŋne akucunduteeniŋ Úbárám ba bupahunkánin a kunyoku júnubonkánin. Te Úbárám úmár agune Úbárám úmánduko m'ayikne. Nim Díino akanne ki moŋon moŋon ufiyumne Úbárám, uyikum na kanjébo ka bandór, te faka fi dúdek a kunyoho ku bandór.

Injilo No Saŋ 3:36

Ugurumaareŋ afiyumne Úbáku Díino, úmár ayikyik kanjébo ka bandór. Kanda mu fiyundomne, úmár, kunyoku Díino unko bim n'atúyuhom. Nim Yaya alóbne.

Injilo No Saŋ 5:24

Abocin ayéjeeniŋ: - Janteneŋ baŋ k'íteekinoonuŋ marigeno: Wúuro m’ayennehindeemne k’akaan na bulaahánam, afak aŋoolin afiyum Bááhum m'abúuñureemne, wúuro úmár ayikyik mees kanjébo ka bandór. Úmár dakitiya te dayohenaa. Afúruntifurum a biniiroŋo mees k’adék apút a kanjébo ka bandór.

Injilo No Saŋ 6:40

Ayéjeeniŋ: - Túyomuŋ baŋ k'ibocin íteekinoonuŋ ho Bááhum asíibane faka. Úmár asíibáásiib ki jamaŋo nip m'ankokurne ígihinin imbi Úbárám k'anfiyumem, anyikum na kanjébo ka bandór. Asíibáásiib ki alikiyaama ikenguneeniŋ k'anyik kanjébo ka bandór. Nim Bááhum afak asíibane.

Injilo No Saŋ 6:47

Ayéjeeniŋ: - Ninkinan! Janteneŋ baŋ k'íteekinoonuŋ marigeno ki nim bulaahánan apiren awaana. Wúuro m'afiyumeemne ayikyik mees kanjébo ka bandór.