Injilo No Saŋ 17:6 - Gúloku Díino

⁶ Yensa abocin saliŋo ayéj: - Inini, ísiibáásiib gukiinahen a gubaarhu jamaŋo m'ukarafareemne a duniyaŋo inno. Angu immereŋ, ijellihineeniŋjellihin ni fi Bááhum úmiirne. Agida, fi Bááhum umuyeeniŋne k’úneereem, ki nim anguy ingi me. Angu immereŋ anyennennehin gúlokon, te ambúuñabuuña gúlokon gúmár.

Injilo No Saŋ 17:6 ပူးပေါင်းရင်းမြစ်များ

Injilo No Saŋ 1:18

Wúur fégahadaŋ Díino, kanda Úbárám úmánduko, atéejahemteeja k'afak aguy Díino. Fo úmár afútne, úmár ajellihinjellihin mintor ni Díino amíirne.

Injilo No Saŋ 12:28

Buruhu k'ikiinaham k'apahánaam íyejem: «Bááhum, kant ki jamaŋo anfuuhurin gurethen a gubaarhu kunyoho unku k’eñantane iyoh.» Hómár gísiibane. Yensa balóbi nim, ayik síngiir s'afúrumor a raafo ayéj: - Me ijellihinjellihin jamaŋo bafukum mees, kanda ibocinkineh bujellihinkinin.

Injilo No Saŋ 15:19

Aji ininkaman utoheŋtoh ingi immereŋ jamanku duniyaŋo, angu angumb ampokunkoonuŋer. Kanda ninkinan tohároŋ na ingi immereŋ, maro me ífunnoonuŋfunn a binanin k'ídekuroonuŋ a binaam. Gúmár akanne anfoyoonuŋ.

Injilo No Saŋ 15:3

Inini ninkinan urenneŋrenn a sabaabhu kawandhum.

Injilo No Saŋ 15:7

Inini, aji uguyeŋ ingi me k'úbuuñahaŋ kawandhum, hoŋon hoŋon gukiinaheŋne Díino, uyikhineŋ a sabaabhum.

Injilo No Saŋ 17:12

Immi m’ukarafareemne, f'egune ingi immereŋ, ikooñeeniŋkooñ a sabaabhu sembehen. Ikooñeeniŋkooñ immereŋ nip, fo úmánduk bareŋ apaheemne. Agida wúuro úmár añantane akoom ki nim apútulin Hañaañeno h’aññaañerne. Yensa afak abocin ayéj:

Injilo No Saŋ 17:14

Angu, gúlobo g'úbuuñameemne íteekineeniŋteekin. F'éteekineeniŋne andóm. Kanda bandómi gúlokon, jamanku duniyaŋo inno anfoyeeniŋ. Aji úfegi anfoyeeniŋ, maro tohuroŋoŋ ingi jamanku duniyaŋo inno maŋ ni me tohurine ingi jamanku duniyaŋo inno.

Injilo No Saŋ 17:16

Maŋ ni me tohurine ingi jamanku duniyaŋo inno, maŋ nim immereŋ mees tohuroŋoŋne ingi jamanku duniyaŋo inno.

Injilo No Saŋ 17:2

Nim gikiinahenne maro fi úneereemneer sembe imbi jamanku duniyaŋo inno nip. Sembeŋo nómár úneereemneer ki nim ipiren íneer jamaŋo m'ukarafareemne kanjébo ka bandór.

Injilo No Saŋ 17:24

Inini, Abó, jamaŋo m’ukarafareemne, ifak ikiinahen k'anguy ingi me ki nim anfég bafukon b’okibeemne. Agida upokuneempokun káriman cuk ni fanti buyab duniyaŋo inno, gúmár gúneereemne bafukon. Angu, aji anguy ingi me, anfékineh bafukon a gubaarhu me.

Injilo No Saŋ 17:26

Inini immi, ijellihineeniŋjellihin n’úmiirne, te díbennahar bujellihinkinin n’úmiirne. Angu a gubaarhu hómár andék ampokunkuneh índukoŋo, maŋ ni fi upokuneemne. Nim ungu me fankum iguy a binanin. Abó, hómáráŋ nip gikiinahenne.

Injilo No Saŋ 17:7

Ampápájul maro h'eyikne nip, a binankan gafúruntne. Fúrunturoŋ a binaam. Immereŋ ampápájul hómár.

Injilo No Saŋ 18:9

Angu inho, hómár apútulinne ho Yensa alóbne fam. Yensa miñireŋ f’aŋane saliŋo ayéjyejer: «Bááhum, ikooñeeniŋkooñ immereŋ nip. Yikireŋ m’apahaam.» Nim Yensa ayéjerne.

Injilo No Saŋ 6:37

Kanda jamaŋo mi Bááhum akarafareemne, immereŋ nip andékekineh a binaam k’anfiyumeem. Te moŋon moŋon údekirne a binaam dicucunahaaro. Ayéjeeniŋ:

Injilo No Saŋ 6:39

- Angu m'abúuñureemne, horaŋ gasíibane k’ikaan? Úmár asíibáásiib k'ikooñ jamaŋo m'akarafareemne, ki nim haani úmánduk biki aniim. Ayéjeemyej, alikiyaama jamaŋo m’anfiyumeemne, iñantay ikenguneeniŋ nip k'anyik kanjébo ka bandór. Nim m'abúuñureemne asíibane k'ikaan. Angu, gúmár gíyejoonuŋne, moŋon moŋon údekirne a binaam dicucunahaaro.

Injilo No Saŋ 8:51

Janteneŋ baŋ k'íteekinoonuŋ marigeno! Wúuro m’abúuñane kawandhum daniirohar.

Injilo No Saŋ 8:52

Yensa balóbi nim, immereŋ aŋŋoyindem anyéjem: -Iyoo! Angu, arennumrennum mint maro fi fáguh aruurenruur. Horaŋ akanne k’úyej m’abúuñane kawandhan daniirohar? Agida Ibrahiima aniironiiro! Anabiyoŋoŋo anniironiiro, fi f'úyej m’abúuñane kawandhan daniiro!