Injilo No Saŋ 17:3 - Gúloku Díino

³ Angu horaŋ ingine kanjébo ka bandór? Kanjébo ka bandór, kámár agune búpájihu fi, Díino Amánduko, Díino No Marigeno. Kanjébo ka bandór afak aguy búpájihu me Umaasaŋo Mu fi Ucaabenne k'úbuuñor a duniyaŋo inno.

Injilo No Saŋ 17:3 ပူးပေါင်းရင်းမြစ်များ

Injilo No Mak 9:37

- Aji ukucuni wol a gubaarhu n'upokuneemne, akankaan ininkaman me gukucunne. Faka aji ukucuni me me, akankaan iniman m'abúuñureemne gunuk ukucunne. Nim Yensa akawandinne ñantaalibehinem.

Injilo No Saŋ 10:36

Inini me, f'éyejne «Me Úbáku Díino,» neeraŋ gupirenkineŋne úyejeŋ ipuñpuñ gurethu Díino? Agida Bááhum Díino, úmár acaabeneemne k'abúuñuroom a duniyaŋo inno ba budohokunom.

Injilo No Saŋ 11:42

Agida ípápájul maro gulahukumlahur h’ekiinahenne nip waatowaat. Kanda aji úfegi n'ifak iŋoolintne, a gubaarhu jamaŋo immi m'ansorne. Ki nim ampájul arenn fet maro fi úbuuñureemne.

Injilo No Saŋ 14:26

kanda, inini, ii, me ba hadék gídekehne. Ingah! Idoonadir, Bááhum akucundutokunoonuŋ Úkááñinumo m’íloboonuŋe. Úkááñinumo úmár m’íloboonuŋe, úmár ingine Jamméejhu Díino Jarenninno. Aji úfegeŋ n'adékehne bukucundukánan Úkááñinumo, mara n'uguyeŋne ingi me, Úbárám. Angu Úkááñinumo apútodir a binanan, alinninkunoonuŋ a h'élobne nip. Afak alentinkunoonuŋ h'éteekinoonuŋne nip ki nim buku ufiiramaŋ honj.

Injilo No Saŋ 17:18

Inini, maŋ ni fi úbuuñureemne a duniyaŋo inno, maŋ nim me mees íbuuñeeniŋne a duniyaŋo inno k’ankawand gúlokon.

Injilo No Saŋ 17:21

Ikiinahen ki immereŋ mees anguy ímmenduko. Abó, ikiinahen ki immereŋ anguy ingi mintor. Maŋ ni fi ugune a binaam ki me mees iguy a binankan, maŋ nim mees immereŋ k’anguy a binentor. Inini, ikiinahen k'anguy ímmenduko ingi mintor, ki nim jamaŋo anfégum na maro maŋ fi úbuuñureemne.

Injilo No Saŋ 17:23

Ikiinahen faka ki me iguy a binanin ki fi uguy a binaam ki nim ungu anfaŋunum n'anguy ímmenduko. Nim gikiinahenne ki nim jamaŋo, ganfégi n'iguyminne ímmenduko, ampájul maro f’úbuuñureemne a binanin. Ki faka, aji anfégi hómár, ampájul maro upokunpokun m’anfiyumeemne iniman n’upokuneemne.

Injilo No Saŋ 17:25

Abó! Fi úwuuhwuuh lip. Kanda, ñammi duniyaŋo inno pájiireŋeŋ fi. Me mungu ípájulenpájul. M’ukarafareemne ampápájul maro f’úbuuñureemne.

Injilo No Saŋ 17:8

Angu, kúmbuuñaamo k'úneereemne, íteekineeniŋteekin f'arenn fet. Angu bíteekineeniŋ, anlaháram ingi mees anfiyum k’ampájul f'arennumeeniŋ maro me imbi fi gífuruntne. Immereŋ mungu anlókiloki maro fi úbuuñureemne a duniyaŋo inno.

Injilo No Saŋ 3:17

Yensa abocin ayéjem: Fégeŋ baŋ, Díino búuñururoŋ Úbárám a duniyaŋo ki k’aguy ukitunku jamaŋo. Abúuñurembuuñ a duniyaŋo ki k’aguy upahunku jamaŋo.

Injilo No Saŋ 3:34

Fégeŋ baŋ, Díino abúuñurne údiigeeno úmár. Angu, gúmár akanne alóboh h’afúruntne imbi Díino. Díino ganéerumehne Jamméejhinem, te yikireŋ k’amuk. Angu, gúmár gapirenkinehne atéekin jamaŋo kúmbuuñanku Díino.

Injilo No Saŋ 5:44

Ninkinan n'upokuneŋne k'anfuuhurinoonuŋ! Ingah! N’upokuneŋne k'anfuuhurinoonuŋ ŋayroŋ bútibo ki Díino amánduko faŋo ayoofunoonuŋ. Angu, gúmár akanne dupireneŋ k’ufiyumemuŋ.

Injilo No Saŋ 6:57

Bááhum m’abúuñureemne, ummo bim n’ajéb baman dagurumaareŋ. Me a sabaabhu úmár giyikumne kanjébo ka bandór. Te maŋ nim gagune imbi moŋon moŋon m'akábáhne arinkum, k’aruuhoh muhenkum. Wúuro úmár a sabaabhu me me gayikunkunehne kanjébo kámár.

Injilo No Saŋ 7:29

Kanda me ípájulempájul maro imbi úmár gífuruntne, te úmár abúuñureemne ba a binanan.

Injilo No Saŋ 8:19

Yensa balóbi nim aŋŋoyindem anyéjem: - Angu inini bááhán umoraŋ? Aŋoyindeeniŋ ayéjeeniŋ: - Ninkinan nuko! Aji úpájulemuŋpájuler, ugumb úpájiheŋer Bááhum mees. Kanda ninkinan pájiirumuŋ, angu gúmár akanne pájiiroŋ Bááhum.