Injilo No Saŋ 17:2 - Gúloku Díino

² Nim gikiinahenne maro fi úneereemneer sembe imbi jamanku duniyaŋo inno nip. Sembeŋo nómár úneereemneer ki nim ipiren íneer jamaŋo m'ukarafareemne kanjébo ka bandór.

Injilo No Saŋ 17:2 ပူးပေါင်းရင်းမြစ်များ

Injilo No Saŋ 17:24

Inini, Abó, jamaŋo m’ukarafareemne, ifak ikiinahen k'anguy ingi me ki nim anfég bafukon b’okibeemne. Agida upokuneempokun káriman cuk ni fanti buyab duniyaŋo inno, gúmár gúneereemne bafukon. Angu, aji anguy ingi me, anfékineh bafukon a gubaarhu me.

Injilo No Saŋ 17:6

Yensa abocin saliŋo ayéj: - Inini, ísiibáásiib gukiinahen a gubaarhu jamaŋo m'ukarafareemne a duniyaŋo inno. Angu immereŋ, ijellihineeniŋjellihin ni fi Bááhum úmiirne. Agida, fi Bááhum umuyeeniŋne k’úneereem, ki nim anguy ingi me. Angu immereŋ anyennennehin gúlokon, te ambúuñabuuña gúlokon gúmár.

Injilo No Saŋ 17:9

Inini, immereŋ gísiibane k’iduwar. Ŋayri guduwaku m’úpájulne lókiridum. Jamaŋo m’ukarafareemne giŋane guduwaro maro immereŋ jamankan.

Injilo No Saŋ 3:35

Báaho apokunpokun Úbárám k’anéerem sembeŋo nip.

Injilo No Saŋ 4:14

Kanda, ingah! Baaruŋo ba me ídekehne bunakánam, aruuhdir bámár, baaruh dafak aŋoolinkin alaham. Baaruŋo bámár aguyhuneh a binaanam ininkaman baaruku koloŋo b’abuturohne abena, b’anéerumehne kanjébo ka bandór.

Injilo No Saŋ 6:27

Inini, ninkinan ii, dahu úduk ukokuroŋ jamméejenkánan nip a dohohu jafoolaŋo. Ingah! Jafoolaŋo adékididek gapuñapuña. Angu, dahu ukokuroŋ jamméejenkánan nip a bútibilahu jámár bareŋ. Kanda ninkinan, majaareŋ k’utibilahaŋ jafoola j’ópájul dapuñahar. Jafoolaŋo jámár agune j'anéerumehne kanjébo ka bandór. Jámár guñantaheŋne utibilahaŋ. Ayéjeeniŋ: - Úpájuleŋ, me Údiigeeno M'Acaabenaane, ipiren íneeroonuŋ jafoolaŋo jámár. Aji úfegeŋ ipiren íneeroonuŋ jámár, maro Bááhum anéereemne sembeŋo nómár ba búnekánan. Ninkinan, ikaanumi Bááhum Díino ajellihinoonuŋjellihin maro íbábár gufiyum, angu fiyumemuŋ!

Injilo No Saŋ 6:37

Kanda jamaŋo mi Bááhum akarafareemne, immereŋ nip andékekineh a binaam k’anfiyumeem. Te moŋon moŋon údekirne a binaam dicucunahaaro. Ayéjeeniŋ:

Injilo No Saŋ 6:39

- Angu m'abúuñureemne, horaŋ gasíibane k’ikaan? Úmár asíibáásiib k'ikooñ jamaŋo m'akarafareemne, ki nim haani úmánduk biki aniim. Ayéjeemyej, alikiyaama jamaŋo m’anfiyumeemne, iñantay ikenguneeniŋ nip k'anyik kanjébo ka bandór. Nim m'abúuñureemne asíibane k'ikaan. Angu, gúmár gíyejoonuŋne, moŋon moŋon údekirne a binaam dicucunahaaro.