Injilo No Saŋ 13:1 - Gúloku Díino

¹ Afúrumi na, banyéji Gújunku Guwusunaamo gucum, Yensa anguy na Jerusalem ingi ñantaalibehinem. Agida Yensa apápájul maro waathánam adasdas n’afúrhunehne a duniyaŋo inno k'aŋoolin imbi Báábám Díino. Inini Yensa, káriman fam gapokunne jamaŋo m’anfiyumemne, kanda dam gaŋane bujellihinkinin maro bupoko búmár yikireŋ k’amuk.

Injilo No Saŋ 13:1 ပူးပေါင်းရင်းမြစ်များ

Injilo No Saŋ 11:55

Angu Gújunku Guwusunaamo atéejar. Jamaŋo m'angune beŋen beŋen a didiiraŋo dímár andékeh, andak anrumun na Jerusalem. Bampút Jerusalem ankaanah hakaanamo h'ankaanahne ki nim ampiren anrenn bala gújuŋo bapútumor.

Injilo No Saŋ 12:23

Angu banlóbem nim, Yensa ayéjeeniŋ: - Ingah! Waato abábár angu. May ki jamaŋo anfég bafuku Díino imbi Údiigeeno M'acaabenaane.

Injilo No Saŋ 13:29

Anlahlah karo ni Judas alahahne bakodihinin, karo ayikyik ho Yensa ayéjem adék agila ba gújuŋo, wola adék afúnnor sada imbi ñanyikireŋo.

Injilo No Saŋ 13:3

Angu, Yensa mungu apápájul maro Báábám Díino anéneer úmár Yensa sembeŋo nip a halakánam. Apápájul maro a binaanam gafúruntne te aŋoolinkineh ba a binaanam.

Injilo No Saŋ 13:34

Abocin ayéjeeniŋ: - Inini, janteneŋ baŋ k'iwonnundoonuŋ luwaŋ awunkul: Luwaŋo awunkulo nómár, nómár agune kuku upokunayeŋ maŋ ni me ipokunoonuŋne. Yéjiri upokunayeŋ bareŋ. Iyéji, maŋ ni me ipokunoonuŋne, ninkinan mees uñantaheŋ upokunayeŋ. Nómár agune luwaŋo awunkulo n'iwonnundoonuŋne gub.

Injilo No Saŋ 14:28

Eke íyejoonuŋyej: «Me ba imbi Bááhum Díino gídekehne, kanda ídek iŋoolinekineh bísiba bíduk.» Inini, aji ininkaman upokunemuŋpokuner hadékum imbi Bááhum, uñantaheŋñanta usewohoŋer, mara Bááho afaŋi me bafuuh.

Injilo No Saŋ 14:31

Me mungu ba bukaan ho Bááhum ayéjeemne. Jamaŋo nip aññantay ampájul maro ipokunpokun Bááhum. Gúmár akanne me ba bukaan h'ayéjeemne bareŋ. Yensa abocin ayéj: Inini, kengereŋ k'ínfuroonuŋ nanka. Angu ankaan maŋ nim k’ankeng andek.

Injilo No Saŋ 16:28

Me, imbi Bááho gífuruntne k'ídeker a duniyaŋo. Kanda ífurhuneh bísiba bíduk a duniyaŋo k'iŋoolin ba imbi Bááhum.

Injilo No Saŋ 17:1

Angu Yensa, balóbi nim mees aning a raafo bi arjanna k'ayéj: - Abó, waato abábár angu. Inini, me mo na n'ikiinaho k'ujellihin jamaŋo bafukon b’okibeemne, me Úbákán, ki nim Úbákán apiren ajellihin jamaŋo bafukon mees.

Injilo No Saŋ 17:16

Maŋ ni me tohurine ingi jamanku duniyaŋo inno, maŋ nim immereŋ mees tohuroŋoŋne ingi jamanku duniyaŋo inno.

Injilo No Saŋ 17:26

Inini immi, ijellihineeniŋjellihin n’úmiirne, te díbennahar bujellihinkinin n’úmiirne. Angu a gubaarhu hómár andék ampokunkuneh índukoŋo, maŋ ni fi upokuneemne. Nim ungu me fankum iguy a binanin. Abó, hómáráŋ nip gikiinahenne.

Injilo No Saŋ 17:5

Inini, Abó, me mo bim n' ikiinaho k'uŋoyineem a bafukum b'eyikerne fam jandiŋ duniyaŋo inno bayabumaa, f'eroŋne buguyo ingi fi. Hómár gikiinahenne.

Injilo No Saŋ 18:4

Angu Yensa n'apájulne h’adékehne buyikhinem, bafégeeniŋ adék arahálineeniŋ. Barahálineeniŋ ayéj: - Ninkinan, hantaŋ gútibheŋne?

Injilo No Saŋ 19:28

Angu Yensa n'afeeremne maro dohohunom adédet ayéj: - Naham baaru k'iruuh! Kanda aji úfegi ayéji nim, ki nim apútulin Hañaañeno h’aññaañne fam a gubaarhu biniirohánom.

Injilo No Saŋ 2:13

Afúrumi na, fo gújuŋo g’ayéjuhne Gújunku Guwusunaamo atéejarne, Yensa adék ba Jerusalem, úmár ingi ñantaalibehinem.

Injilo No Saŋ 6:4

Agida waato nómár adékdek agida ingi gujuŋ gúduk gu Ñanyahudo. Gújuŋo gúmár Gújunku Guwusunaamo ganyéjehne. Angu inho ayikne fo gújuŋo gúmár atéejarne. Angu jamaŋo baŋŋandenem a montaaño, immereŋ mees aŋŋaf ba bulahunkánam na.

Injilo No Saŋ 7:30

Angu Yensa balóbi nim, ansíiba buhubhánom kanda wúur pirendeŋ bumapunkánam maro Yensa, bísibahánam aroŋroŋ.

Injilo No Saŋ 7:6

Yensa aŋoyindeeniŋ ayéjeeniŋ: - Ingah! Ninkinan waatowaat gúsiibaheŋne upireneŋ ukengeŋ k'údekeŋ ba bim, kanda me waathum aroŋroŋ.

Injilo No Saŋ 8:20

Nim Yensa akawandne dam a Jaameŋo Adénno. Agida n’anooh a gúbidhu keesenku sadaŋaŋo. Wúur pirendeŋ bulakánam maro bísibahánam fanti bapút.