Injilo No Saŋ 10:10 - Gúloku Díino

¹⁰ Kanda, údugo mungu, neeraŋ gakaanahne? Úmár ii, aji apútri, ba hódugo gadékuntne ingi bubuj ingi bukoomun. Kanda me mungu ki jamaŋo anyik kanjéb k’afaŋunum n’asúum gídekuntne.

Injilo No Saŋ 10:10 ပူးပေါင်းရင်းမြစ်များ

Injilo No Mak 11:17

Babollay akomb gukawandinkinin ayéj: - Ayikyik k'aññaañ a Hañaañeno ka Díino ayéjne: Díkum añantay aguy kantíg ka mi siy noŋon noŋon ansalihinehne. Nim Díino alóbne a gubaarhu jaameŋo inno. Kanda ninkinan, fégeŋ baŋ h'okaaneŋne! Udooheŋdooh ukaanaŋ na kantíg ka ñanrifaŋo antógohne! Nim Yensa alóbne.

Injilo No Saŋ 10:1

Yensa ayéji: - Janteneŋ baŋ k'íteekinoonuŋ marigeno! Ingah! Údugo wola urifa, gasíibay hódugo dadékum a burukumbaano k'aŋan a kooreŋo. Wówo! Údugo ajokálahuneh k'aŋaf alibila sínlodo k'apiren aŋan a kooreŋo ba hódugo. Nim gankaanahne.

Injilo No Saŋ 10:11

Ayéjeeniŋ: - Me ingine ukooño m'afaŋumne n’apokun saahaŋankánam. Ukooño m'apokunne saahaŋankánam, neeraŋ gadékehne bukaano? Úmár ii, akarafaháneh ñankindenkinem a gubaarhu saahaŋankánam.

Injilo No Saŋ 12:47

Ugurumaareŋ ayennehinne gúlokum ki kandaŋ na bulaahánam, me me giri ídekeh ba bukitinkinem, maro dékiriri a duniyaŋo ba bukitihu jamaŋo. Ídekridek a duniyaŋo ba bupahunku jamaŋo. Hómár gídekuntne.

Injilo No Saŋ 12:6

Agida Judas f'alóbne nim, guyroŋ karo arinkinem akabkab ñanyikireŋo. Alóblob nim maro úmár faŋo údug. Agida úmár agune uninkhu bakodihu Yensa ingi ñantaalibehinem. Agida na gayikumehne k’akaanumah haajankánam. Gubaarhu hómár nip akanne k’alób nim. Guyroŋ karo ayikyik bankabaŋ imbi ñanyikireŋo.

Injilo No Saŋ 3:17

Yensa abocin ayéjem: Fégeŋ baŋ, Díino búuñururoŋ Úbárám a duniyaŋo ki k’aguy ukitunku jamaŋo. Abúuñurembuuñ a duniyaŋo ki k’aguy upahunku jamaŋo.

Injilo No Saŋ 5:40

Angu, ninkinan, uliinaheŋliina k'úyejeŋ úpájáleŋpájúl hámár dáde, kanda haani maŋ nim lókiiroŋ k'údekireŋ a binaam k’ujahaŋ kanjébo ka bandór.

Injilo No Saŋ 6:33

Angu, úmbuuro nómár, nómár agune horaŋ? Úmbuuro nómár agune wúuro m'afúruntne arjanna. Te wúuro úmár ganéerumehne a duniyaŋo inno kanjébo ka bandór.

Injilo No Saŋ 6:51

Fégeŋ baŋ, úmbuuro n’afúruntne arjanna n’élobumohne, úmbuuro n'anéerumehne kanjébo, nómár agune bumburunku arinkum. Moŋon moŋon ufoolane úmbuuro inno duniirohar. Úmbuuro no ikarakánehne jamaŋo k’ankáb, nómár ingine bumburunku arinkum. Ikarakáneh jamaŋo arinkum ki nim anyikum na kanjébo ka bandór.