Injilo No Saŋ 1:51 - Gúloku Díino

⁵¹ Janteneŋ baŋ k'íteekinoonuŋ marigeno. Ninkinan úfekineŋ bísiba ni hakubo akimbulaane ki maleekaŋaŋo aŋŋafah, ankucuroh imbi Údiigeeno M'acaabenaane.

Injilo No Saŋ 1:51 ပူးပေါင်းရင်းမြစ်များ

Injilo No Mak 1:10

Bayicem mees aráábular a baaruŋo. F'aŋane gúráábulaŋo a baaruŋo afég honj a raafo. Afég hakubo n’akimbulane. Bakimbulay afég ni Jamméejhu Díino Jarenninno akucurohne a binaanam, te amíir ingi bákuyeer.

Injilo No Mak 14:62

Yensa aŋoyindem ayéjem: - Me ingine maŋ úmár. Inini, ninkinan nip ayikhineh bísiba b’úpájul b’úfekineŋ Údiigeeno M'acaabenaane n'annooh ingi Díino. Oo! Anokuneh a jiyaku Díino N'afaŋumne N'ayik Sembeŋo, a kantígo k'abúuñahuhne. Úfegekinemeŋ n’adékireh a hakubo k'aŋooliner ba a duniyaŋo.

Injilo No Saŋ 1:50

Balóbi nim, Yensa ayéjem: - Fi, a gubaarhu n'ílobenne bareŋ a sifigo gífegenne guhar ufiyumeemne? Úduk úfekineh h'afankunehne hómár dáde.

Injilo No Saŋ 10:1

Yensa ayéji: - Janteneŋ baŋ k'íteekinoonuŋ marigeno! Ingah! Údugo wola urifa, gasíibay hódugo dadékum a burukumbaano k'aŋan a kooreŋo. Wówo! Údugo ajokálahuneh k'aŋaf alibila sínlodo k'apiren aŋan a kooreŋo ba hódugo. Nim gankaanahne.

Injilo No Saŋ 10:7

Angu Yensa, bafégi maro wuturoŋoŋ funaareŋo, akeekireeniŋ ayéjeeniŋ: - Ninkinan! Janteneŋ baŋ k'íteekinoonuŋ marigeno! Me igune burukumbanku kooreŋo bu saahaŋaŋo aŋŋanunkunehne.

Injilo No Saŋ 13:16

Ingah! Janteneŋ baŋ k’íteekinoonuŋ marigeno: Yikireŋ údool m’afankánehne ulaamekinem. Maŋ nim ganik agune a nintiku úbuuñuraaŋo. Ingah! Yikireŋ úbuuñuraa m'afankunehne m'abúuñuremne.

Injilo No Saŋ 13:38

Ayéjem: - Hóge marigen abárenbár k’uniiro a gubaarhu me? Ingah! Janten baŋ k’íteekino marigeno! Gucum, jandiŋ rankuluŋo bahooŋum, fi uñophuneh f’ábár wayaasaŋ alallaŋ maro úpájuleempájul. Nim Yensa ayéjne Simon Piyer.

Injilo No Saŋ 14:12

Janteneŋ baŋ k'íteekinoonuŋ marigeno. Wúuro m’afiyumeemne akankáneh hakaanamo maŋ ni maŋ ikanne. Te akankáneh h’afaŋ hámár dáde, maro me ba imbi Bááhum Díino gídekehne.

Injilo No Saŋ 16:20

Janteneŋ baŋ k’íteekinoonuŋ marigeno! Ninkinan uhonkunumuŋ dáde, kanda ñammi duniyaŋo anséwohuneh. Ingah! Hadékhum aléerunkunoonuŋ dáde, kanda damiñ afak akúbulaháneh aguy ñankil ingi básuum.

Injilo No Saŋ 16:23

Oo! Janteneŋ baŋ k’íteekinoonuŋ marigeno! Inini, bísibaŋo bímár apútodir, duhaajahaŋ bumiku me me haman honj! Ningeŋ baŋ! Afúrumi dam, h’okiinahánaŋne Bááho nip a barakehum alókirukunoonuŋ.

Injilo No Saŋ 21:18

Janten baŋ k’íteekino marigeno: Eke fo muhenken aroŋne bagíreh, gújooninajoonina k'údek b'ósiibane? Kanda ulaamedir, anlakuno k'antukiro halakan, andékuro bi síibaarone hadék.

Injilo No Saŋ 3:3

Angu, Nikodem balóbi nim, Yensa ayéjem: -Ingah! Janten baŋ k'íteekino marigeno: Wúur dapiren k’atoh a maasayahu Díino ni bosinkindaa.

Injilo No Saŋ 3:5

Yensa ayéjem: - Ingah! Janten baŋ k'íteekino marigeno: Aji wúur bosundaa ingi baaruŋo faka ingi Jamméejhu Díino mees, dupiren k’utoh a maasayahu Díino,

Injilo No Saŋ 5:19

Angu Yensa ayéjeeniŋ: - Janteneŋ baŋ k'íteekinoonuŋ marigeno: Aji ífegi ni Bááhum akanne honj, maŋ hómár gítibehne bukaano. Ingah! Me me Úbárám, giri ikaanah h’asúumne bigokum. Bááhum, hoŋon hoŋon gakanne, me mees, Úbárám, maŋ hómár gikaanahne. Bulihimbinku Bááhum gísiibane. Hómár gítibehne bukaano.

Injilo No Saŋ 5:27

Faka, n’agune Údiigeeno M'acaabenaane, Báábám anéeremneer binaal ba bulekhu balóbo.

Injilo No Saŋ 6:26

Yensa aŋoyindeeniŋ ayéjeeniŋ: - Ninkinan! Horaŋ akanne k'uŋayaŋ bukokulinkum? Janteneŋ baŋ k’íteekinoonuŋ marigeno. Ingah! Bukokulinkum guŋayeŋne a gubaarhu n'icuufendoonuŋne ayéerenkinan déegen! Ingah! Ninkinan, ii, guyroŋ kari uningeŋning a tamaseereŋo n'ikanne, k'uyitemuŋ me ingine hantaŋ. Wówo! Hómár gireŋ! Maŋ n'icuufendoonuŋne ayéerenkinan akanne utifuremuŋ!

Injilo No Saŋ 6:32

Banlóbi nim, Yensa ayéjeeniŋ: - Ninkinan! Janteneŋ baŋ k'íteekinoonuŋ marigeno. Ninkinan, eke ulaheŋlah karo Musa anéerne maamaamankánan úmbuuro nómár? Ingah! Musa nédeeniŋ úmbuuro n'afúruntne arjanna. Bááhum anéereeniŋne úmbuuro nómár. Ayéjeeniŋ: - Úpájuleŋ, Bááhum ganéerumehne úmbuuro no marigeno. Nómár agune úmbuuro n'afúruntne arjanna.

Injilo No Saŋ 6:47

Ayéjeeniŋ: - Ninkinan! Janteneŋ baŋ k'íteekinoonuŋ marigeno ki nim bulaahánan apiren awaana. Wúuro m'afiyumeemne ayikyik mees kanjébo ka bandór.

Injilo No Saŋ 6:53

Fo Yensa ayennehinne n’anlóbohne, aŋoyindeeniŋ ayéjeeniŋ: - Ninkinan! Janteneŋ baŋ k'íteekinoonuŋ marigeno: Ingah! Moŋon moŋon kábáráŋne arinku Údiigeeno M'acaabenaane, faka ruuhuroŋne muhenkinem, dapiren k'ayik kanjébo ka bandór.

Injilo No Saŋ 8:34

Angu, Yensa aŋoyindeeniŋ ayéjeeniŋ: - Ingah! Ninkinan! Janteneŋ baŋ k'íteekinoonuŋ marigeno! Ugurumaareŋ aŋane bukanku hójondoŋo, hójondoŋo alakánam k’aguy úsokánom. Afeero mara uguyhuneh úsoku hójondoŋo h'okaanahne.

Injilo No Saŋ 8:51

Janteneŋ baŋ k'íteekinoonuŋ marigeno! Wúuro m’abúuñane kawandhum daniirohar.

Injilo No Saŋ 8:58

Ayéjeeniŋ: - Janteneŋ baŋ k'íteekinoonuŋ marigeno. Me, jandiŋ Ibrahiima babosumaane, me igune m’igune.