Injilo No Saŋ 1:4 - Gúloku Díino

⁴ Kanjébo mees imbi úmár gafúruntne ki kanjébo kámár atohundutor mintor jiyaaŋo.

Injilo No Saŋ 1:4 ပူးပေါင်းရင်းမြစ်များ

Injilo No Saŋ 11:25

Yensa abocin ayéjem: - Ingah! Me ingine m'akengunehne jamaŋo ingi m'anéerumehne kanjébo ka bandór. Ugurumaareŋ ufiyumeemne, k'uniiro ukenghineh k'újeb.

Injilo No Saŋ 12:35

Banyéji nim Yensa ayéjeeniŋ: - Ingah! Ninkinan, jiyaaŋo hotir afallane buguyo ingi ninkinan. Inini ninkinan, fo údekeŋ a jiyaaŋo dahi bumurulo alahuntoonuŋ na. Fégeŋ baŋ! Wúuro m'adékehne a bumurulo gira apájuláh b’ajonnahne.

Injilo No Saŋ 12:46

Me ídekridek a duniyaŋo ki k'iguy jiyanku duniyaŋo. Nim ungu m’anfiyumeemne nip anfúnnhunuh a bumurulo k'aŋŋanaa a jiyaaŋo. Gúmár gídekuntne.

Injilo No Saŋ 14:6

Balóbi nim Yensa aŋoyindem ayéjem: - Ingah! Maŋ me me faŋo ingine binaalo, me ingine marigeno, me ingine kanjébo. Wúur dapiren k'adékum binaal bíduk k'apút imbi Bááhum Díino, fo adékum a binaam.

Injilo No Saŋ 3:19

Angu, aji úfegi ni Díino ayéjne anyúulenyuulen, maro jiyaaŋo adékridek a duniyaŋo, kanda jamaŋo bumurulo ganfaŋumne n'ampokun maro hakaanankánin jóndoŋne. A gubaarhu hómár Díino ayéjne maro jamaŋo anyúulenyuulen. Abocin ayéjem:

Injilo No Saŋ 5:21

Ayéjeeniŋ: - Úpájuleŋ, Bááhum n’apirenne akengun m'anniirone k’anéereeniŋ kanjébo, maŋ nim me Úbárám ipirenkinehne ikengun m'aniiro. M'ísiiba ipiren íneer kanjébo kámár.

Injilo No Saŋ 5:26

Bááho ganéerumehne kanjébo. Kanda Bááho anéneer Úbárám mees sembeŋo no bukanduku wúuro kanjébo.

Injilo No Saŋ 8:12

Ayikyik bísiba bi Yensa akawandah ayéjeh: - Me ingine jiyaaŋo j'awúnnurohne k'ampiren anfég hóbun a duniyaŋo inno. Wúuro m'atifeemne daguyahar a bumurul. Aguyhuneh a jiyaaŋo j'adékikinemne ba a kanjébo ka bandór.

Injilo No Saŋ 9:5

Ingah! Me, baman d'eguyhunehne a duniyaŋo inno, maŋ nim giguyhunehne jiyanku duniyaŋo nip.