Injilo No Mak 6:41 - Gúloku Díino

⁴¹ Angu jamaŋo bannoohi nip Yensa adooh ñómbuuro ñómákilaŋo ingi ñokato ñonako k'aning a raafo, k'aramun Díino a gúbidhu jafoolaŋo jámár. Baramuni Díino mees afac ñómbuuro k'anéer ñantaalibehinem k'andék ankib jamaŋo. Akaan maŋ nim ñokato.

Injilo No Mak 6:41 ပူးပေါင်းရင်းမြစ်များ

Injilo No Mak 14:22

F'aŋŋane guyaahálaŋo Yensa adooh úmbuuro k'aramun Díino. Baramuni Díino mees, afac k'anéer ñantaalibehinem ayéjeeniŋ: - Úmbuuro inno n’ófekeŋne arinkum. Kábáreŋ!

Injilo No Mak 6:40

K’angu annooh íjog íjog, gúduk ñanraagof keme, gúduk jamaŋinak ingi haala.

Injilo No Mak 6:42

Bankibay tu, moŋon moŋon afoola fo ahay nip.

Injilo No Mak 7:34

Bakaani nim mees aning a raafo. Anuumul pef. Ayéj: - Efata! Nim ingine «Kimbilaar! »

Injilo No Mak 8:19

F'efacne ñómbuuro ñómákilaŋo k'ifoolen índiigeeno wuuliyeŋ amákilaŋo, f'ambollane gufoolaŋo, ninkinan hatehel haliheeraŋ gujaheŋne a hofallaheno? Yensa bamiiheeniŋ nim ñantaalibeŋo anjaabiyem anyéjem: - Hatehel haala ingi hanak.

Injilo No Saŋ 11:41

Angu, balóbi nim anfúnn dawaalo. Banfúnni dawaalo Yensa aning a raafo ayéj: - Bááhum Díino, ípápájul mara ulahureemlahur. Angu me mo bim n'iramunko a gubaarhu n'ulahureemne h'ekiinahenne.

Injilo No Saŋ 17:1

Angu Yensa, balóbi nim mees aning a raafo bi arjanna k'ayéj: - Abó, waato abábár angu. Inini, me mo na n'ikiinaho k'ujellihin jamaŋo bafukon b’okibeemne, me Úbákán, ki nim Úbákán apiren ajellihin jamaŋo bafukon mees.

Injilo No Saŋ 6:11

Angu jamaŋo bannoohi, Yensa adooh úmbuuro. Badoohi úmbuuro, asali aramun Díino a gúbidhu jafoolaŋo. Baramuni Díino mees, adooh úmbuuro anéer jamaŋo k'ankibay. Bankibay mees, Yensa afak aramun Díino a nintiku ñokato. Bankibay nip, moŋon moŋon adooh k’afoola fo ahay.