Injilo No Mak 4:8 - Gúloku Díino

⁸ Abocin ayéjeeniŋ: - Kanda, arúgelhu pampaŋo adíinem, nómár ahupaa ka didiiraŋo ajónne. Angu, nómár akutkut k'awal n'añantane awal. Angu, f'awalne, kódeg pampaŋ koŋon koŋon afac afúnn inko hamaano buruhur ingi haala (30), inko jamaŋilall (60), inko hamaano keme.

Injilo No Mak 4:8 ပူးပေါင်းရင်းမြစ်များ

Injilo No Mak 4:20

Kanda índukoŋo imme na m'ammíir ingi didiiraŋo díjooninno. Angu, arúgelo n'ahupaane a didiiraŋo díjooninno, hómár agune m'anjantenne Gúloku Díino ingi jamméej. Immereŋ, ii, ganyennehini Gúloku Díino, andooh ankaan a jamméejenkinin. Angu immereŋ andék anguyhuneh jamaŋ mi hafitenkinin arenn, k'angu andék ankaan hakaanam h’asúnkánehne Díino. Angu, hakaanamo hámár akankaan ininkaman bídimeren bíjooninno. Immereŋ mingu anlakuneh binaalo aliŋ, haani a waathu baléero. Índukoŋ anfúnn hamaano buruhur ingi haala, índukoŋo anfúnn jamaŋilall, índukoŋo anfúnn keme. Nim Yensa akawandineeniŋne dam.

Injilo No Mak 4:7

Arúgelhu pampaŋo adúko mees ahupaa ka jakangulo agune. Angu, jakangulo jámár akut akúdin pampaŋo, k'angu pampaŋo nómár fúnnuroŋ haani.

Injilo No Mak 4:9

Yensa balóbi funaareŋo ayéjeeniŋ: - Angu, moŋon moŋon, jantent hóbun h'éfurumne balóbo k'ukaan a jamméejhen.

Injilo No Saŋ 15:5

Ingah! Me igune sinoŋo ki ninkinan uguyeŋne hakankum. Inini, moŋon moŋon agune ingi me, me iguy ingi úmár, areebhineh k’adím jup. Kanda ninkinan, aji úfegeŋ n'íyejne nim, maro aji me gireŋ, dupireneŋ bukanku honj h'asúumunehne Díino. Gúmár gíyejoonuŋne uñantaheŋ uguyoŋ ingi me waatowaat.

Injilo No Saŋ 7:17

Ingah! Wúuro m’asíibane búpájulo ho Díino asíibane, wúuro úmár apájihineh maro h’élobohne imbi Díino gafúruntne. Wúuro úmár dayéj muk a bigokum gafúruntne.