Injilo No Mak 2:1 - Gúloku Díino

^1-2 Ásibaŋ bawusunay, Yensa aŋoolin ba a saariŋo n’aretuhne Kapáneyum. Jamaŋo banyennehini hómár andék ba a dígo n'akucunaane k’anrumun na tip fo dígo atój fanfaŋ. Haani k'aŋŋanunkunehne a burukumbaano yikireŋ. Yensa n’aŋan a gufaco k'aŋay bukawandinku jamaŋo Gúloku Díino.

Injilo No Mak 2:1 ပူးပေါင်းရင်းမြစ်များ

Injilo No Mak 1:45

Nim Yensa ayéjne údiigeeno. Kanda údiigeeno búuñaaraŋ ho Yensa alóbemne. Badoonahi akomb gúteekinku jamaŋo nip ho Yensa akandáremne. Angu n’akanne nim, afúrumi waato nómár, Yensa gara abolleneh hadék a akooroŋo. Adék aguy a kanaŋaŋo ki jamaŋo anfúruntoh beŋen beŋen andékeh anlahunkam bim.

Injilo No Mak 3:20

Afúrumi na, Yensa akucor a montaaño ingi ñantaalibehinem aŋŋoolin ba a dígo. Baŋŋay hadéko jamaŋo antifilineeniŋ jup k'andék f'andék ampút a dígo n'akucunaane. Angu m'ansíibane sínfegayo ingi Yensa anrumunrumun tip fo haman úmár ingi ñantaalibehinem ba guyaahálaŋo yikinaaraŋaŋ.

Injilo No Mak 7:17

Angu balóbi hómár mees, Yensa akeng k’abénn na barumuno adék aŋan a gufaco. Baŋani a gufaco, ñantaalibehinem ankeng ankokálinem ba na. Bampút anyéjem: - Yensa fi funaareŋo f’úlobne, bonkerer k’ukeekir mint!

Injilo No Mak 7:24

Afúrumi na, Yensa ingi ñantaalibehinem ankeng hadéko bi bukooro b'aretuhne Tira. Bampút, Yensa aŋan a díg adúk. Agida síibaaraŋ ki jamaŋo ampájul maro na gakucunaane. Kanda haman nim jamaŋo nip andék ampájul.

Injilo No Mak 9:28

K'angu aŋŋoolin ba a dígo k'ankucunaane, úmár ingi ñantaalibehinem. F'angune na a gufaco immereŋ bareŋ, ñantaalibeŋo ammiihem anyéjem: - Inini, horaŋ akanne ki mint pirendimiŋ k’ífunnmiŋ fáguho imbi wolo?

Injilo No Saŋ 4:47

f'ayennehinne maro Yensa ummo na Kana, afúrumor Kapáneyum adék alahuntam na. Angu uperefeŋo balahunti Yensa ayéjem: - Ingah! Bonkerer k’índokoŋ ba Kapáneyum k'újebindeem úbákum. Nim uperefeŋo akiinane Yensa. Agida kódiigeeno kómár anaman biniiroŋo afallahemne.