Injilo No Mak 11:18 - Gúloku Díino

¹⁸ Afúrumi na, ñanlaameku alimaamaŋo ingi ñankeekihu Hañaañeno anyennehin imbi jamaŋo ho Yensa akanne. Anfak anfég ni jamaŋo ampokunne kawandhu Yensa k’andankah n’ajónne. Banfégi hómár, apaareeniŋ k’ambenuh. Angu anlah gukanku janf ba bubujhunom.

Injilo No Mak 11:18 ပူးပေါင်းရင်းမြစ်များ

Injilo No Mak 1:22

M'anyennehinne n’akawandinehne alaaleeniŋ dáde maro hakawandinkinem mídeŋeŋ ingi inha ñankeekihu Hañaañeno. Yensa gakawandi, gúlokunom afaŋundeeniŋ n’ayik sembe.

Injilo No Mak 11:32

Aji infak ínyejoŋ: «Uraagof abúuñuremne,» na dafak ajóon. Nim ganwooñne. Agida immereŋ laháraŋaŋ maro Yaya anabiyoŋ no Díino abúuñor. Kanda ñanlabahi m’angune a barumuno, nim ganlahne. Gúmár akanne jamaŋo mi Yensa amiihne, bollendeŋeŋ búyejo: «Yaya, Díino búuñururom,» a sígihu barumuno.

Injilo No Mak 12:12

Angu f'alóbne nim, ñanlaameku alimaamaŋo ingi ñankeekihu Hañaañeno ankir anwut maro ho Yensa alóbumohne, a gubaarhu immereŋ. Ansíiba bulakánam, kanda n’ambenuhne ho barumuno ankankánehne, ambayun k'andék.

Injilo No Mak 3:6

Ñanfarasiyaŋo banfégi hómár ankeng anfúr a jaameŋo maŋ fam. Banfúri andék anrah ingi ñantífhu umaasaŋo m'aretuhne Herod, ki k’ampiren anjanfaham k’ambujom.

Injilo No Mak 6:20

Úpájuleŋ, Herod abúuñabuuña Yaya dáde. Apápájul maro Yaya údiigeen m'awúuh k'arenn. Gabentenebenten kawandhánam. Gúduk Herod gahuyohuy Yaya k'adéker k’akawandinkem. Gaŋay gubentenku kawando hafithinem gahaarahaar dáde. N'abentenehne kawandhu Yaya ingi búuña, gúmár akanne aŋan na sembehinem ba gumarahu Yaya.

Injilo No Saŋ 7:1

Angu afúrumi na, Yensa afaalen adékinah a didiirahu Galile bukawandinku jamaŋo. Na ganoohne bukawandinku jamaŋo mara lókiireŋ k'afúrum Galile adék a didiirahu Júde. Aji úfegi lókiireŋ k'afúrum Galile adék ba Júde maro na ñanlaameku Ñanyahudo gantíbehne bigokunom. Angu, gúmár akanne anoohi na a didiirahu Galile.

Injilo No Saŋ 7:19

Inini, ninkinan, eke Anabila Musa adoohutoonuŋdoohut Luwaŋanku Díino? Kanda ninkinan, haani úmánduk búuñaaraŋ hómár. Angu horaŋ akanne útibheŋ bigokum?

Injilo No Saŋ 7:46

Anyéjeeniŋ: - Mint, ídekmiŋdek baman maŋ bim. Bíputmiŋ, iwonnmiŋ k’ijantenmiŋ balókunom. Kanda halóbankánam yikireŋ ingi m’ammíir. Angu, gúmár akanne laháremmiŋ.