Injilo No Mak 10:33 - Gúloku Díino

³³ Ayéjeeniŋ: - Janteneŋ baŋ! Eke ba Jerusalem giŋayoŋne jaŋafo? Inini, túyoreŋ k’íteekinoonuŋ. Ímputoŋdir, anlakáneh Údiigeeno M'acaabenaane, k’andékirem a binaal imbi ñanlaameku alimaamaŋo ingi ñankeekihu Hañaañeno. Immereŋ anlekhineh balóbo k’anyéj añantay abujaa. Angu immereŋ anyéjdir nim andékikinem imbi mi guyroŋoŋne Ñanyahud.

Injilo No Mak 10:33 ပူးပေါင်းရင်းမြစ်များ

Injilo No Mak 15:1

Gucunkunom harennaamo, ñanlaameku alimaamaŋo, ñanlaamero, ñankeekihu Hañaañeno, Tilibinaalo Adénno nip anrahrah ba bulekhu balóbo k'anfohun gúlokánin. Bambollay andooh ceeneŋo k’anceen Yensa k’andékirem imbi gúfánááro m'aretuhne Pilat k’ambénnem a halakánam.

Injilo No Mak 8:31

Angu afúrumi n’anlóbne na dam, Yensa akomb gukawandinku ñantaalibehinem a gubaarhu n’aniirorunkunehne. Ayéjeeniŋ: - Ingah! Údiigeeno M'acaabenaane ayokáneh dáde. Ñanlaamero ingi ñankeekihu Hañaañeno ingi ñanlaameku alimaamaŋo ancucunkunom k’ankaanam k'abujaa. Nim gankankunehne maro hómár añantañanta ayikem. Kanda aniirodir, dahankánam akenghineh a biniirohunom ingi bumburunku arinkinem nip k'aŋoolin ajéb.

Injilo No Mak 9:12

Bammiihem nim ayéjeeniŋ: - Na marigenkinin. Anabila Eli anohokuneh Umaasaŋo Mu Díino Acaabenne k'akaan ki jamaŋo ampare gúputhunom. Kanda wosenteŋ! Eke anyéjyej a Hañaañeno maro Údiigeeno M'acaabenaane, jamaŋo anyehenkinem k'anheelenem. Angu na, neeraŋ gansíibane balóbo?

Injilo No Saŋ 18:28

Afúrumi na, harennaamo, anfúnnor Yensa imbi Kayif k’andékirem a palehu gúfánááro. Ñanlaameku alimaamaŋo ankokay ba na, kanda bampút na, ñanlaameku alimaamaŋo m’ankokayne ŋandaŋaŋ na. Aji úfegeŋ ni ŋandaŋaŋne na, mara aji aŋŋanŋaner, danrenn imbi Díino. Te aji rennireŋeŋ imbi Díino dampirener k'anyaahála guyaahálahu Gújunku Guwusunaamo.

Injilo No Saŋ 18:32

Angu, ni ñammi Rom andékehne ba bubujhu Yensa, hómár apútilinkinehne Yensa h’alóbne fam a gubaarhu n'aniirorunkunehne.

Injilo No Saŋ 19:11

F’alóbne nim Yensa ayéjem: - Ingah! Sembeŋo n’olahne ba bubujhum, maŋ Díino anéerenne. Kanda aji Díino nédoyer, duyiker sembeŋo nómár ba bubujhum. Angu gúmár gíyejenne maro wúuro m'adékiteemne a binankan, úmár afaŋumne n’ayik kayúuleno.