Injilo No Mak 10:17 - Gúloku Díino

¹⁷ Afúrumi na, Yensa batuŋuli hadéko, údiigeen úduk agírumer imbeŋ. Bapútri aruŋa imbi Yensa k’amiihem: - Arafaŋo ajóoninno! Neeraŋ giñantane ikaan k'iyik kanjébo ka bandór?

Injilo No Mak 10:17 ပူးပေါင်းရင်းမြစ်များ

Injilo No Mak 1:40

Angu ayikyik bísiba, údiigeen mu kafaño alahne adéker imbi Yensa. Banrahi aruŋa a binaanam k'akiinaham k'ajébinem. Ayéjem: - Yensa! Kááñineem k’újebineem! Aji unongi upirenpiren újebineem ki kafaño afúr arinkum nip.

Injilo No Mak 10:18

Balóbi nim Yensa ayéjem: - Inini horaŋ akanne k'uhuyoom újooninno? Yikireŋ m'ajóon, fo Díino bareŋ ajónne.

Injilo No Mak 12:14

Angu bampútri imbi Yensa, anyéjem: - Arafaŋ, afefeer mint maro fi, maŋ marigeno doŋ gúlobohne. Benihuro ho jamaŋo anwosenkinehne. Guru únáknákáh gúteekinku wúuro marigeno a nintiku Díino. Guyroŋ umaasa, guyroŋ wol, guyroŋ ulaamer, gúteekineteekin jamaŋo nip n'aññantane aguyorum a duniyaŋo. Fi úwuuhi. Banlóbi nim mees, ankir ammiihem anyéjem: - Inini, umaasaŋo údenno Sesar, neeraŋ luwaŋankintor ayéjne? Hóge iññantahoŋ incaamomoŋ bahataŋo? Karo luwaŋo nédeŋ k'incaamoŋ? Fi nuko, neeraŋ gúyejne?

Injilo No Mak 9:25

Angu bááhu wolo balóbi nim mees, Yensa afég ni jamaŋo angítehne ba a binanin. Asekur fáguho ayéjem: - Fi fi fáguho, f’ukanne ki wolo ummu gara apireneh balób, afak ateerilin. Inini, aca! Fút bandór imbi wolo ummu!

Injilo No Saŋ 3:2

Angu ayikyik jaket n'adék ba imbi Yensa. Bapúti ayéjem: - Arafaŋ, mint ípájulmiŋpájul maro Díino abúuñurenne a binent k'ujellihin mint binaahánam. Ingah! Aji Díino búuñururower, dupiren k’úfunnoh tamaseereŋo n’ófunnohne. Gúmár gípájulminne maro Díino abúuñurenne.

Injilo No Saŋ 5:39

Ayéjeeniŋ: - Ninkinan! Guninginkinkeŋninginkin Hañaañeno maro ulaheŋlah a búpájihu h'añaañaane na, a hámár bareŋ guyikunkuneŋne kanjébo ka bandór. Nim gulaheŋne. Kanda nim gireŋ! Ingah, haman a Hañaañeno hámár, maŋ gunaam ganlóbohne.

Injilo No Saŋ 6:40

Ayéjeeniŋ: - Túyomuŋ baŋ k'ibocin íteekinoonuŋ ho Bááhum asíibane faka. Úmár asíibáásiib ki jamaŋo nip m'ankokurne ígihinin imbi Úbárám k'anfiyumem, anyikum na kanjébo ka bandór. Asíibáásiib ki alikiyaama ikenguneeniŋ k'anyik kanjébo ka bandór. Nim Bááhum afak asíibane.