Lévanjil Jan 7:16 - Lévanjil Jan

¹⁶ Jézi réponn yé: “Li pa ganyen anyen sa mo ka di, ka vini di mo menm. Tousa mo ka di, mo risouvwè l di sa ki voyé mo-a.

Lévanjil Jan 7:16 ပူးပေါင်းရင်းမြစ်များ

Lévanjil Jan 14:10

Es to pa ka krè mo annan Papa-a, é Papa-a ka viv annan mo? Palò mo ka di zòt-a, a pa mo ka di li. A Papa-a ki ka rété annan mo-a ka fè li menm so travay.

Lévanjil Jan 14:24

Sala ki pa kontan mo pa ka kouté sa mo ka di-a. Sa zòt tandé mo di, pa ka soti di mo menm, mé ka vini di mo Papa ki voyé mo.

Lévanjil Jan 17:14

Mo bay yé to palò, é moun latè rayi yé, piski yé pa kou moun latè, kou mo menm mo pa kou moun latè.

Lévanjil Jan 17:8

Piski mo di yé palò to bay mo-ya é yé risouvwè l. Yé rikonèt vrèman mo soti koté to é yé krè a to ki voyé mo.

Lévanjil Jan 3:11

Enren, sa mo ka di to-a, a lavérité, nou ka di sa nou konèt, nou ka palé di sa nou wè; mé zòt pa ka asèpté sa nou di.

Lévanjil Jan 3:31

Sala ki soti laro syèl-a pli gran ki tout moun; Sala ki soti di latè, a moun latè, é li ka palé di bagaj latè. Sala ki soti di syèl-a pli gran ki tout moun.

Lévanjil Jan 5:30

Mo pa pouvé fè anyen di mo menm. Mo ka jijé sélon sa Papa-a di mo, é mo jijman bon piski mo pa ka chaché fè mo pròp volonté, mé volonté sala ki voyé mo-a.

Lévanjil Jan 6:44

Pésonn pa pouvé vini jwenn mo, si Papa-a ki voyé mo-a pa mennen l, é mo, mo ké résisité li dèrnyé jou-a.

Lévanjil Jan 8:28

Alò, Li di yé: “Lò zòt ké mété Pitit Wonm-an laro, zòt ké konprann ki moun mo fika. Zòt ké rikonèt mo pa ka fè anyen di mo pròp kò, mo ka di sèlman sa Papa-a di mo.