तीतस 3:13 - परमेश्‍वरए ताँ तमु क्युइर

¹³ जेनास बिबै वकिल नेरो अपोल्‍लोसलाइ घ्‍याँर चैदिबै तोन्दोंरि सै पिंन्। चमैंलाइ तोइ सैलैया खाँचो आतरिगे।

तीतस 3:13 ပူးပေါင်းရင်းမြစ်များ

मत्ती 22:35

चमैं न्‍होंर्बै परमेश्‍वरए छ्वेर्बै ताँ लोमिंबै म्हि घ्रिइ खीए जाँच लबै सैंले खीने ङ्योएइ,

लूका 10:25

परमेश्‍वरए छ्वे ह्रबै म्‍हि घ्रिइ येशूए जाँच लसि ताँ क्हाल् त्हुइ बिबै सैंले खीने ङ्योएइ, “ओ गुरु, खोंयोंइ आखाँबै छ्ह योंबै ल्हागिर ङइ तो लल् त्‍हुम्?”

लूका 11:45

शास्‍त्रिमैंए न्होंर्बै घ्रिइ येशूने बिइ, “ओ गुरु, क्हिइमि छाबै ताँमैं बिसि ङिए आब्रु वाइ।”

लूका 11:52

“क्‍हेमैं शास्‍त्रिमैं धिक्‍कार क्हेमैं क्रोल् त्‍हुम्! क्‍हेमैंइ क्‍ह्रोसेंन्‍बै ज्ञान बुद्धि योंबै म्राए साँजु किंबम् किंइ, दिलेया क्‍हेमैं ह्रोंसै या न्होंर आहों, होंल् म्‍हैब्मैंलाज्यै या क्‍हेमैंइ होंल् आपिं।”

लूका 14:3

“प्रिबै त्हिंइर नबै म्हिमैं सल् लब ठिक मुँ उ आरे? बिसि येशूजी धर्मगुरुमैं नेरो फरिसीमैंने ङ्योएइ।”

लूका 7:30

दिलेया फरिसीमैं नेरो परमेश्‍वरए छ्वे लोमिंब्मैंइ बिस्याँ परमेश्‍वरजी ह्रोंस ङाँर खबै ल्हागिर बनेबै घ्याँ केर आफेब् ङ्हाँसि यूहन्‍नाउँइँले क्युर प्लुँसि बप्‍तिस्मा आकिंल।

चेला चिब्मैंए केमैं 15:3

छतमा चर्चर्बै म्हिमैंइ चमैं छाइले बिदा लसि कुल्मिंइ। चमैं फोनिके नेरो सामरिया ह्‍युल तसि ह्‍यामा अरू ह्रेंमैंज्यै या येशूए फिर बिश्‍वास लबै ताँ चमैंने छेनाले बिमिंइ। चु ताँ थेसि चर्बै ताँन् अलि-अङाँमैं बेल्‍ले सैं तोंइ।

चेला चिब्मैंए केमैं 18:24

अलेक्‍जेन्‍ड्रियाथें अपोल्‍लस मिं मुँबै यहूदी म्हि घ्रि एफिससर खइ। च बेल्‍ले पोंल् ह्रब नेरो परमेश्‍वरए छ्वेर्बै ताँमैं ताँन् ह्रब मुँल।

चेला चिब्मैंए केमैं 19:1

अपोल्‍लस कोरिन्‍थ सहरर मुँमा पावल एशिया ह्‍युलउँइँले एफिसस सहरर खइ। चर्बै को-कोइ चेलामैंने त्होसि

चेला चिब्मैंए केमैं 21:5

च क्ल्ह्‍योउँइँले ङि प्रबै त्हे तबइले ङि चमैंने फ्रेसि ह्रोंसए घ्याँ क्हामा। चर्बै प्रभुए फिर बिश्‍वास लब्मैंइ ह्रोंसए परवा, प्हसेमैं ताँन् किंसि ङि सहरए बैरु समन् सबर खइ। धै ङि मा ङ्युँइए छेउर च्हि तुँसि प्राथना लइ, धै चमैंने फ्रेसि

चेला चिब्मैंए केमैं 28:10

चमैंइ ङि ल्‍हें मान लसि ल्हें क्होल्सैंमैं पिंइ। धै ङि माल्‍टाउँइँले ह्‍याब् बिसि क्यु झाजर क्रेबि छेमा चमैंइ घ्‍याँर ङिलाइ चैदिबै सैमैं या क्यु झाजर झोंमिंइ।

रोमी 15:24

छतसि तारे ङ स्‍पेन बिबै ह्‍युलर ह्‍यासिन्मुँ, च्हमन् क्‍हेमैंने त्‍होबै आशा मुँ। चर क्हेमैंने तिस्‍याँदेन् बिलै संगति लदा ङ्हाँइमुँ। धै स्‍पेन ह्‍याबै ल्हागिर क्‍हेमैंइ ङलाइ ल्होलै ङ्हाँइमुँ।

१ कोरिन्थी 16:11

छतसि खाबज्‍यै या चए सैं नल् आलरिगे, बरु च ङ ङाँर एखबै ल्हागिर छेनाले कुल्मिंन्। तलेबिस्याँ अरू बिश्‍वासमैंने बालुन् चै या ङ ङाँर खब्मुँ बिसि ङइ ह्रेरिइमुँ।

१ कोरिन्थी 16:12

अलि अपोल्‍लसए बारेर्बै ताँ तो जा बिस्याँ, चलाइ अरू अलिमैंने क्‍हेमैं ङाँर ह्‍यारिगे बिसि ङइ ल्‍हेन् यो छ्युँ लइ। तिंयाँ समा चइ ह्‍याबै सैं आल, दिलेया लिउँइँ बिस्याँ मौका योंस्‍याँ खबै सैं लइमुँ।