तीतस 3:12 - परमेश्‍वरए ताँ तमु क्युइर

¹² चु खुँबै म्हैंनर ङ निकोपोलिस बिबै नाँसर टिबै सैं मुँ। छतसि ङइ अर्तिमास अथवा तुखिकसलाइ क्हि ङाँर कुल्‍मिंमा क्हि चर ङ ङाँर खैले बिलेया खो।

तीतस 3:12 ပူးပေါင်းရင်းမြစ်များ

चेला चिब्मैंए केमैं 20:4

झाइले पावलने बालु बेरियाथें पुरसए च्ह सोपात्रोस, थेसलोनिकाथेंमैं अरिस्‍तार्खस नेरो सिकन्‍दस, डर्बिथें गायस, तिमोथी, नेरो एशियाथेंमैं तुखिकस नेरो त्रोफिमस ह्‍याइ।

१ कोरिन्थी 16:6

दे त्हे ङ क्‍हेमैं ङाँर्न टिमुँ, खै ग तस्याँ सर्ख तिमिंन् टिब्मुँ। च लिउँइँ ङ खनिर ह्‍यालेया ङलाइ चैदिबै घ्याँ खर्ज क्‍हेमैंइ पिंल् खाँब्मुँ।

एफिसी 6:21

ङ खैबै म्हि जा, ङइ तो के लमुँ बिबै ताँ ङइ खोबै अलि तुखिकसइ क्‍हेमैंने बिमिंब्मुँ। चइ प्रभुए ल्हागिर छेनाले के लम्।

कलस्सी 4:7

ङ्योए खोबै अलि तुखिकसइ ङए बारेर्बै ताँन् ताँ क्‍हेमैंने बिमिंब्‍मुँ। च प्रभुए केर ङ्योने बा-बालुन् प्रबै बिश्‍वास मुँबै म्हि ग।

२ तिमोथी 4:12

तुखिकसलाइ ङइ एफिसस सहरर कुलइमुँ।

२ तिमोथी 4:21

खाँन् समा क्हि सर्ख खब् भन्दा ओंसोंन् खो। युबुलस, पुडेस, लिनस, क्‍लौडिया नेरो चुर्बै ताँन् बिश्‍वासी अलि-अङाँमैंइ क्हिलाइ जय मसीह बिमिंइमुँ।

२ तिमोथी 4:9

छतसि खाँन् समा ङ ङाँर युनन् खो।