तीतस 2:8 - परमेश्‍वरए ताँ तमु क्युइर

⁸ क्हिइ खाबज्यै थोल् आखाँबै क्ह्रोंसेंन्बै ताँमैं मत्‍त्रे पोंन्, छले पोंस्‍याँ क्‍हिए ताँ क्हाबै क्ल्ह्‍यो चमैंइ योंरिब् आरे। छतमा ङ्योए बिरोधर राब्मैं खेंमैंन् फा पिन् तयाब्मुँ।

तीतस 2:8 ပူးပေါင်းရင်းမြစ်များ

मर्कूस 12:17

झाइले येशूजी चमैंने बिइ, “कैसर म्रुँलाइ पिंल् त्हुबै सैमैं म्रुँलाइन पिंनुँ, परमेश्‍वरलाइ पिंल् त्हुबै सैमैं परमेश्‍वरलाइन पिंनुँ।” येशूए ताँ थेसि चमैं प्लेटोयाइ।

मर्कूस 12:28

शास्‍त्रिमैं न्होंर्बै म्हि घ्रि चर खमा म्हिमैंइ ङ्योएबै ताँमैंए ज्वाफ येशूजी छेनले पिंब् थेसि शास्‍त्रिइ खीने “मोशाइ पिंबै ठिमर्बै ताँमैं न्‍होंरि ताँन् भन्दा थेबै ताँ तो जा?” बिसि ङ्योएइ।

मर्कूस 12:32

शास्त्रिइ धबै येशूने बिइ, “गुरु, क्‍हिजी छ्याँबै ताँ बिइ, तलेबिस्याँ परमेश्‍वर घ्रि मत्‍त्रे मुँ, खी बाहेक अरू खाबै आरे।

मर्कूस 12:34

च शास्त्रिइ छले ह्रब् सेल्‍ले ज्वाफ पिंब् थेसि येशूजी चने बिइ, “क्‍हि परमेश्‍वरए ग्याल्सउँइँले ह्रेंगो आरे।” च त्हेसेरो खाबज्यै या येशूने ताँमैं ङ्योएबै आँट आल।

लूका 13:17

येशूजी चु ताँ बिल् खाँबै लिउँइँ खीए बिरोधीमैं ताँन् फापिन् तयाइ। दिलेया खीजी लबै औदिबै के म्रोंसि चर्बै म्हिमैं बेल्‍ले सैं तोंइ।”

२ थेसलोनिकी 3:14

ङिइ चु प्ह्रिछ्यार प्‍ह्रिबै ताँ खाबै आङिं, च म्हिलाइ छेन्‍ले ङो सेथेंन्। च फा पिन् तरिगे बिसि चने प्रब-टिब ने पोंब आलद्।

१ तिमोथी 5:14

छतसि बिरोधीमैंइ ङ्योए ताँ लल् आयोंरिगे बिसि टुच्यु बर्ष न्होंर्बै ब्ह्‍या लदा ङ्हाँबै म्हरेस्योमैंइ ब्ह्‍या लरिगे, च्‍ह-चमि फिसि छेनाले धिं नाँ चुसि टिरिगे बिब ङए सैं मुँ।

१ तिमोथी 6:3

खाबज्यै प्रभु येशूए ताँने आक्ह्रिबै ताँमैं लोमिंसि ङ्योइ येशूए मिंर लल् त्हुबै केमैं लल् आत्हु बिमुँ,

तीतस 3:14

ङ्योए म्‍हिमैंइ छ्याँबै केमैं लब लोरिगे, धै खाँचो तखबै त्हेर चमैंइ अरूमैं ल्होमिंल् खाँरिगे, छले चमैंए छ्ह छेनाले थोरिगे।

१ पत्रुस 2:12

बरु क्‍हेमैं येशूए फिर बिश्‍वास आलब्‍मैंए उँइँर छ्याँबै छ्ह थोद्। म्हिमैंइ क्‍हेमैंलाइ आछ्याँबै के लब्मैं बिसि क्हेमैंए बिरोधर पोंलेया क्हेमैंए छ्याँबै के चमैंइ म्रोंरिगे धै प्रभु येशू युबै त्हिंइर चमैंइ परमेश्‍वरए मिं क्वेरिगे।

१ पत्रुस 2:15

तलेबिस्याँ क्हेमैंइ दुष्‍ट म्हिमैंए उँइँर छ्याँबे के लसि आमादुमैंए सुँ म्रुल् त्हुम् बिब परमेश्‍वरए सैं मुँ।

१ पत्रुस 3:16

दिलेया क्हेमैं ह्रिस आखल्‍ले, मान तल्‍ले पोंल् त्हुम्। क्हेमैंए बिरोधर पोंब्मैं नेरो ख्रीष्‍टए लिलि प्रसि क्हेमैंइ लबै के आखोबै म्हिमैं फापिन् तरिगे बिसि क्हेमैंए सैं छ्याँब तल् त्हुम्।