तीतस 2:15 - परमेश्‍वरए ताँ तमु क्युइर

¹⁵ चु ताँन् ताँमैं लोमिंन्, हग मुँल्‍ले लोदा सैंदा लद्, पाप लब्‍मैंलाइ हौदिद्। धै क्हि फ्रेंसि तना निलेया खाबज्‍यै या क्‍हिलाइ म्हि आच्हिन् आलरिगे।

तीतस 2:15 ပူးပေါင်းရင်းမြစ်များ

मत्ती 7:29

तलेबिस्याँ येशूजी चमैंए शास्‍त्रिमैंइ लोब् धोंले आलोमिंल, बरु खीजी हग मुँबै म्हिइ धोंले लोमिंमल।

मर्कूस 1:22

येशूए ताँ थेब्‍मैं प्लेटोयाइ तलेबिस्याँ येशूजी म्हिमैंने अरू शास्‍त्रिमैंइ धोंले आलोमिंल, बरु हग मुँल्‍ले लोमिंल।

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

लूका 4:36

छ तब् म्रोंसि ताँन् म्‍हिमैं प्लेटोयासि “चु खैतबै ताँ जा? चुइमि हग नेरो शक्‍ति मुँल्‍ले मोंमैं हौदिबै तोदोंन् मोंमैं छ्युडिह्‍यामना बिसि ह्रों-ह्रोंसन् ताँ लबर होंइ।”

१ कोरिन्थी 16:11

छतसि खाबज्‍यै या चए सैं नल् आलरिगे, बरु च ङ ङाँर एखबै ल्हागिर छेनाले कुल्मिंन्। तलेबिस्याँ अरू बिश्‍वासमैंने बालुन् चै या ङ ङाँर खब्मुँ बिसि ङइ ह्रेरिइमुँ।

१ तिमोथी 5:20

खोंयोंइ बिलै पाप के लरिब्‍मैंलाइ ताँन् म्‍हिमैंए उँइँर हौदिद्। छ लस्‍याँ अरूमैं या ङ्हिंब्मुँ।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

तीतस 1:13

चु क्‍ह्रोंसेंन्बै ताँ ग। छतसि चमैंलाइ बेल्‍ले हौदिद्। छले हौदिमा चमैं बिश्‍वासर भोंसि तरिगे,

१ पत्रुस 4:11

खाबज्यै पोंम् बिस्याँ, चइ परमेश्‍वरजी पिंबै ताँ पोंब् धोंले पोंरिगे। खाबज्यै सेवा लम् बिस्याँ चइ परमेश्‍वरजी पिंबै शक्‍तिउँइँले लरिगे, तलेबिस्याँ खाबइ तो ललेया येशू ख्रीष्‍टउँइँले परमेश्‍वरलए छ्याँबै बयान तरिगे बिसि च के लल् त्हुम्। येशूए मिंउँइँले खोंयोंन् बिलै परमेश्‍वरल थेबै मान नेरो शक्‍ति तरिगे आमेन, छान् तरिगे।