तीतस 2:1 - परमेश्‍वरए ताँ तमु क्युइर

¹ छतसि क्‍हिइ परमेश्‍वरए बारेर्बै क्ह्रोंसेंन्बै ताँमैं छेनाले लोमिंन्।

तीतस 2:1 ပူးပေါင်းရင်းမြစ်များ

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।

१ तिमोथी 6:3

खाबज्यै प्रभु येशूए ताँने आक्ह्रिबै ताँमैं लोमिंसि ङ्योइ येशूए मिंर लल् त्हुबै केमैं लल् आत्हु बिमुँ,

२ तिमोथी 1:13

छतसि ङइ लोमिंबै ताँमैं छेनाले सैंर थेंसि च धोंले छ्ह थोद्। धै येशू ख्रीष्‍टउँइँले खबै बिश्‍वास नेरो म्हाँया खोंयोंन् बिलै लरिद्।

तीतस 1:9

चलाइ लोमिंबै क्ह्रोंसेंन्बै ताँर च भोंसि तल् त्हुम्, धै चइ क्ह्रोंसेंन्बै ताँ छेनाले लोमिंल् खाँरिगे, खाबज्यै खिइ लोमिंबै ताँ थोसि खेंमैंए स्योलिबै ताँमैं लोमिंल् म्हैस्याँ चइ “क्हेमैंए ताँ स्योर ग” बिसि बिल् खाँरिगे।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

१ पत्रुस 4:11

खाबज्यै पोंम् बिस्याँ, चइ परमेश्‍वरजी पिंबै ताँ पोंब् धोंले पोंरिगे। खाबज्यै सेवा लम् बिस्याँ चइ परमेश्‍वरजी पिंबै शक्‍तिउँइँले लरिगे, तलेबिस्याँ खाबइ तो ललेया येशू ख्रीष्‍टउँइँले परमेश्‍वरलए छ्याँबै बयान तरिगे बिसि च के लल् त्हुम्। येशूए मिंउँइँले खोंयोंन् बिलै परमेश्‍वरल थेबै मान नेरो शक्‍ति तरिगे आमेन, छान् तरिगे।