तीतस 1:2 - परमेश्‍वरए ताँ तमु क्युइर

² खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

तीतस 1:2 ပူးပေါင်းရင်းမြစ်များ

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

मर्कूस 10:17

झाइले येशू घ्‍याँर ह्‍यारिमा म्‍हि घ्रि न्हेह्‍यासि येशूए ओंसों च्‍हि तुँसि खीने “ओ स्वाबै गुरु, खोंयोंइ आखाँबै छह् योंबै ल्हागिर ङइ तो लल् त्‍हुम्?” बिसि ङ्योएइ।

मर्कूस 10:30

चइ दुःख सैदिल् त्‍हुलेया प्र गुणा धिं, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो न्‍हें चु छ्‍हर्न योंम्। च्‍हौ मत्‍त्रे आङिं, लिउँइँबै छ्‍हरै या खोंयोंइ आखाँबै छह् योंब्‍मुँ।

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

यूहन्‍ना 6:54

ङए ज्यु चब्‍मैं नेरो ङए को थुँब्‍मैंने खोंयोंइ आखाँबै छ्ह मुँ, छतसि ह्‍युलर्बै आखिरि त्हिंइर ङइ चमैं सोगों लमिंब्मुँ।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

चेला चिब्मैंए केमैं 15:18

बिसि याहवेहजी बिइमुँ। खीजी चु ताँ स्योंम् ओंनोंन् था सेल् पिंइँमुँ।’

रोमी 1:2

परमेश्‍वरजी स्‍योंमन् चु सैं तोंबै ताँ म्‍हिमैंलाइ पिंम् बिसि बाछा फैल। छले खीजी बाछा फैबै ताँ अगमबक्‍तामैंइ परमेश्‍वरए छ्वेर प्‍ह्रिथेंइ।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 5:2

खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

रोमी 5:21

पापइ लमा खैले म्हिमैं सिल् त्हुइ, छलेन परमेश्‍वरए दयाम्हाँयाजी लमा खीजी ङ्योलाइ ठिक ठर्दिमिंइमुँ, धै प्रभु येशू ख्रीष्‍टउँइँले ङ्योइ खोंयोंइ आखाँबै छ्ह योंइमुँ।

रोमी 5:4

छलेन दुःख सैदिबै भोंइ ङ्योए बिश्‍वास भोंब तमुँ, बिश्‍वासर भोंबइले ङ्योइ आशा योंल् खाँम्।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

१ थेसलोनिकी 2:15

च यहूदीमैंइ प्रभु येशू ख्रीष्‍ट नेरो स्योंम्बै अगमबक्‍तामैं सैवाइ, धै ङिलाज्यै या ल्‍हें दुःख पिंसि ल्‍हावाइ। छले चमैंइ ताँन् म्हिमैंए बिरोध लसि परमेश्‍वरए सैं नल् लइमुँ।

१ थेसलोनिकी 5:8

दिलेया ङ्योम् त्हिंर्बै म्‍हिमैं तबइले ङ्यो न्ह क्रों मि क्रोंले टिल् त्‍हुम्। सिपाइमैंइ तिं थोबए ल्हागिर खिबै ढाल धोंले ङ्योए सैं जोगेमिंबै ल्हागिर ङ्योइ बिश्‍वास नेरो सब् लमिंबै म्हाँया लल् त्‍हुम्, झाइले क्र जोगेबै ल्हागिर कुबै कुले धोंले ङ्योइ स्‍वर्गर ह्‍याबै क्ह्रोंसेंन्बै आशा लल् त्‍हुम्।

१ तिमोथी 6:12

खोंयोंइ आखाँबै छ्ह योंबै ल्हागिर बिश्‍वासर भोंब् तद्। चुए ल्हागिर्न परमेश्‍वरजी क्हिलाइ त्‍हाँब् ग, चु ताँए बारेर्न क्हिइ लबै बिश्‍वासए ग्वाइ क्हिइ ल्‍हें म्‍हिमैंए उँइँर पिंल।

१ तिमोथी 6:19

छले ह्रोंसए ल्हागिर चमैंइ लिउँइँबै जग भोंब् लरिगे, धै खोंयोंइ आखाँबै छ्ह योंल् खाँरिगे।

२ तिमोथी 1:1

ङ पावलउँइँले तिमोथीलाइ जय मसीह मुँ। परमेश्‍वरए इच्छा अनुसार येशू ख्रीष्‍टजी ङ कुल्मिंबै चेला चिब तबर त्हाँइ। येशू ख्रीष्‍टउँइँले छ्ह योंम् बिसि परमेश्‍वरजी फैबै बाछाए ताँ बिप्रबै ल्हागिर खीजी ङलाइ कुलइमुँ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

२ तिमोथी 2:13

ङ्योइमि स्योर तेलैया, खीजीम् खोंयोंइ स्‍योर आते, तलेबिस्याँ खीजी तो बिमुँ चन् लम्, खीजी पोंबै ताँ खोंयोंइ आस्यो।”

२ तिमोथी 2:15

छतमा फापिल् आत्हुल्‍ले परमेश्‍वरजी बिब् धोंबन् के लबै म्हि धोंलेन् क्हिज्यै या ह्रोंसलाइ खीजी खोबै म्‍हि तबै ल्हागिर भों लद्।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

१ यूहन्‍ना 2:25

धै ख्रीष्‍टजी ङ्योने बाछा फैसि पिंम् बिबै सै खोंयोंइ आखाँबै छ्ह ग!

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।