तीतस 1:14 - परमेश्‍वरए ताँ तमु क्युइर

¹⁴ झाइले परमेश्‍वरजी बिब् आङिंब्मैंइ बिबै ताँ नेरो यहूदीमैंए स्योंम्बै स्‍योलिबै कथामैंर चमैंए सैं आह्‍यारिगे।

तीतस 1:14 ပူးပေါင်းရင်းမြစ်များ

मत्ती 15:9

चमैंइ ङए मिं किंब फाक्‍कर्न ग, तलेबिस्याँ चमैंइ “चु ताँमैं परमेश्‍वरए ठिम ग” बिसि म्हिमैंइ बनेबै छ्यामैं लोमिंम्।’”

मर्कूस 7:7

चमैंइ फाक्‍कर्न ङए मिं किंम्, तलेबिस्याँ “चु परमेश्‍वरजी बिबै ताँ ग,” बिसि म्हिमैंइ लथेंबै छ्यामैं चमैंइ लोमिंम्।’

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

कलस्सी 2:22

(च ताँन् सै चसि थुँसि म्‍हयाब् ग।) तलेबिस्याँ च म्‍हिमैंइ लबै छ्यामैं नेरो चमैंइ लोमिंबै ताँ मत्‍त्रे ग।

२ तिमोथी 4:4

छले चमैं क्‍ह्रोंसेंन्‍बै ताँमैंउँइँले स्योयासि स्योलिबै ताँमैंए लिलि प्रयाब्मुँ।

तीतस 3:11

छाबै म्‍हि न्होंग्याल पापि ग बिसि क्हिइ सेल् त्हुम्। लिउँइँ “ङइ गल्‍ति लना” बिसि च म्हिन् ह्रोंसन् दोषि ठर्दिम्।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

२ पत्रुस 2:22

“नगिइ ह्रोंसइ रूइबै रुइ ह्रोंसइन ल्हेंम्।” छलेन “ख्रुल् खाँबै तिलि या धबै हिलर ह्‍यासिन् प्होलम्। क्ह्रोंसेंन्लेन् चु क्ह्रोंसेंन्बै अहानर बिब् धोंन् चमैं तइमुँ।”