तीतस 1:13 - परमेश्‍वरए ताँ तमु क्युइर

¹³ चु क्‍ह्रोंसेंन्बै ताँ ग। छतसि चमैंलाइ बेल्‍ले हौदिद्। छले हौदिमा चमैं बिश्‍वासर भोंसि तरिगे,

तीतस 1:13 ပူးပေါင်းရင်းမြစ်များ

भजनमैं 119:80

ङ फापिल् आत्हुबै ल्हागिर क्हिए निसाफमैंइ बिब् धोंले ङए खों छ्याब मुँब आतरिगे।

भजनमैं 141:5

ठिक के लबै म्हिइ ङलाइ धोंरिगे, छ लमा ङए ल्हागिर म्हाँया लब् धोंन् तब्मुँ, चइ ङ हौदिरिगे, छले हौदिमा ङए क्रए ल्हागिर छ्युगु तब्मुँ। ङए क्रइ च छ्युगु स्योवारिब् आरे। दिलेया आछ्याँबै के लब्मैंए बिरोधर ङइ खोंयोंइ बिलै प्राथना लब्मुँ।

हितोपदेश 27:5

न्होह्रों लब् सेसेया म्हाँया खसि तोइ आबिल्‍ले टिब् भन्दा चइ लबै गल्ति उँइँमिंब छ्याँब् ग।

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

१ तिमोथी 5:20

खोंयोंइ बिलै पाप के लरिब्‍मैंलाइ ताँन् म्‍हिमैंए उँइँर हौदिद्। छ लस्‍याँ अरूमैं या ङ्हिंब्मुँ।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

तीतस 2:15

चु ताँन् ताँमैं लोमिंन्, हग मुँल्‍ले लोदा सैंदा लद्, पाप लब्‍मैंलाइ हौदिद्। धै क्हि फ्रेंसि तना निलेया खाबज्‍यै या क्‍हिलाइ म्हि आच्हिन् आलरिगे।

तीतस 2:2

खेब्‍मैंलाइ “सैं फैल् खाँब, छ्याँबै बानि प्‍ह्‍याब, ताँ क्होब, बिश्‍वासर भोंब, ताँनलाइ म्हाँया लब, धै दुःखन् तलेया सैदिल् खाँब तल् त्हुम्,” बिसि लोमिंन्।