तीतस 1:12 - परमेश्‍वरए ताँ तमु क्युइर

¹² क्रेटथेंमैं न्‍होंर्बै ह्रब् सेबै म्‍हि घ्रिज्‍यै या बिइमुँ, “क्रेटर्बै म्‍हिमैं खोंयोंइ बिलै स्‍योर ताँ पोंरिम्, चमैं क्ह्‍योंर्बै सिंह भालु धों तब्मैं, केर आफेबै अल्छि चफोमैं ग।”

तीतस 1:12 ပူးပေါင်းရင်းမြစ်များ

चेला चिब्मैंए केमैं 17:28

तलेबिस्याँ म्हि घ्रिइ बिब् धोंले, ‘ङ्यो खीउँइँलेन् सोमुँ, खीउँइँलेन् प्रब-टिब लमुँ, धै खीउँइँलेन् ङ्योइ छ्ह योंम्।’ क्हेमैंए कबिता प्ह्रिबै म्हिमैंज्यै या छान् बिसि प्ह्रिइमुँ: ‘क्ह्रोंसेंन ङ्यो खीए सन्तान्मैं ग।’

चेला चिब्मैंए केमैं 2:11

झाइले क्रेटथेंमैं नेरो अरबीमैं या चुर मुँ। चमैंइ परमेश्‍वरए थेबै केमैंए बारेर पोंरिब ङ्योइ ह्रों-ह्रोंसए क्युइर थेरिइमुँ!”

चेला चिब्मैंए केमैं 27:12

च क्यु झाज न्हबै क्ल्ह्‍योर सर्ख थोब गारो तबइले खैलसे या फोनिक्‍सर्न फेनेसि सर्ख थोल् त्हुम् बिसि चर मुँबै ल्हें म्हिइ क्यु झाज ओलेद् बिइ। फोनिक्‍स क्रेट ह्‍युलर्बै क्यु झाज न्हबै क्ल्ह्‍यो घ्रि ग, च ल्हुउँइँ न्हुउँइँ (दक्षिण-पश्चिमउँइँ) नेरो ताइ न्हुउँइँ (उतर-पश्चिमउँइँ) ह्‍वेंब मुँ।

चेला चिब्मैंए केमैं 27:13

च त्हेर ल्हुँउँइँले (दक्षिणउँइँले) खैं च्युगु च्युगु खबर होंमा चमैंइ सैंर मैंब् धोंन् तइ ङ्हाँसि क्यु झाज फैथेंबै अँगुसि तेवासि चमैं क्रेट बिबै टापूए रे-रे ततै ह्‍याबर होंइ।

चेला चिब्मैंए केमैं 27:7

खैंइ लमा क्यु झाज क्हैनाँले प्रबइले ल्हें त्हिंइ छ्युसि गार्ले ङि क्‍निडस बिबै क्ल्ह्‍योर फेखइ। खैंइ क्यु झाज ओंसों ह्‍याल् आपिंबइले ङि क्रेट बिबै टापूए पूर्व नेरो दक्षिण हारउँइँ ह्‍याइ, तलेबिस्‍याँ चर खैं ल्‍हें आचल्‍दिमल। चर ह्यामा सालोमोन बिबै क्‍ल्‍हो म्रोंइ।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

फिलिप्पी 3:19

चुमैं लिउँइँ नर्गर नास तब्‍मुँ, तलेबिस्याँ फोन् चुमैंए देवता ग। धै फापिल् त्‍हुबै केमैं लल् योंमा चुमैं सैं तोंम। चमैंए सैं खोंयोंइ बिले चु ह्‍युलर्बै सैमैंर फिरन् तरिम्।

१ तिमोथी 4:2

छाबै ताँमैं स्‍योर तेबै म्हिमैंउँइँले खम्। चमैंए बुद्धि लाबै पैइ ख्रोंवाब् धों तम्।

तीतस 1:5

क्रेट ह्‍युलर लल् त्हुबै केमैं क्‍हिइ पूरा लरिगे बिसि ङइ क्‍हि चर वाथेंइ। ङइ बिब् धोंले क्हिइ नाँ-नाँसर बिश्‍वासीमैं न्‍होंर चिब्मैं त्हाँसि खटिदिद्।

२ पत्रुस 2:12

च स्‍योलिबै ताँ लोमिंब्‍मैं बिस्‍याँ ह्रोंसइन क्होल् आखाँबै ताँमैंए ताँ लप्रम्। छाबै म्हिमैं क्ह्‍योंर टिबै चेत आरेबै खेदोमैं धों तम्। चमैंइ खेंमैंए सैंर तो मैंमुँ चन् लप्रम्। चुमैं क्‍हासि सैवाबै ल्हागिर फिबै खेदोमैं धोंलेन् नास तयाब्मुँ।

२ पत्रुस 2:15

ल्हें मुइए लोबइ लमा छ्याँबै घ्‍याँ पिसि चमैं आछ्याँबै घ्‍याँउँइँ ल्‍हैदिइमुँ। छले चमैं स्‍योंम्‍बै बओरए च्‍ह बालामए लिलि प्रइमुँ।