रूथ 4:11 - परमेश्‍वरए ताँ तमु क्युइर

¹¹ छबिमा मुल म्रार मुँबै चिबनाँब्मैं नेरो ताँन् म्हिमैंइ “चु ताँर ङि साँचि मुँ,” बिइ। “धै क्हिए धिंर खबै चु च्हमिरिलाइ इस्राएलए कुल बनेबै स्योंम्बै राहेल नेरो लेआलाइ धोंले आशिक पिंरिगे। एप्राताए कुलर क्हिलाइ ताँनइ म्हाँदिरिगे। बेथलेहेमर क्हिए मिं कालेदिरिगे।

रूथ 4:11 ပူးပေါင်းရင်းမြစ်များ

उत्पत्ति 23:10

च त्हेर अब्राहामइ चु ताँ बिरिमा एप्रोन बिबै चिब या हित्तीमैंए च्हों धिंर सहरर्बै थेबै म्रार्न टिरिल। छतसि चर्बै ताँन् म्हिमैंइ थेल्‍ले एप्रोनइ अब्राहामने बिइ,

उत्पत्ति 24:60

चमैंइ रिबेकाए फिर आशिक पिंसि बिइ, “ओ ङिए रिं, क्हिल ल्हें ल्हें प्हसेमैं तरिगे धै क्हि ल्हें सन्तानए आमा तरिगे, झाइले क्हिए सन्तानइ खेंमैंने ख्रे लब्मैंए सहरमैं ट्होरिगे।”

उत्पत्ति 29:16

लाबानल च्हमि ङ्हिं मुँल। थेब्स्योए मिं लेआ धै च्योंब्स्योए मिं राहेल मुँल।

उत्पत्ति 29:25

याकूबइ न्हाँगर ङ्ह्‍योमा लेआ ग मुँन। छतमा चइ लाबानने बिइ, “क्हिइ ङने तले छ लल? ङइ राहेल ब्ह्‍या लबर क्हिए के लब आङिं वा? क्हिइ तले ङने छले स्योर तेल?”

उत्पत्ति 29:32

लेआइ प्हसे नोसि च्ह घ्रि फिइ। “क्ह्रोंसेंन याहवेहजी ङए दुःख म्रोंइमुँ। तारे ङए प्युँज्यै ङने म्हाँया लब्मुँ।” छ बिसि चइ च च्हए मिं रूबेन थेंइ।

उत्पत्ति 35:23

लेआउँइँले च्ह थेब रूबेन, च न्होंर्बै शिमियोन, लेबी, यहूदा, इस्साखार नेरो जबूलून मुँल।

उत्पत्ति 35:24

राहेलए च्हमैं योसेफ नेरो बेन्यामीन मुँल।

भजनमैं 132:6

बाछा प्ह्रिथेंबै बाकसए बारेर ङिइ एप्राता बिबै नाँसर थेल; याआरर्बै चेप्ला तबै क्ल्ह्‍योर ङिइ च बाकस स्याइ।

हितोपदेश 14:1

बुद्धि मुँबै च्हमिरिइ ह्रोंसए धिंर्बै तौदु छेनाले लम्, दिलेया आमादु च्हमिरिइ ह्रोंसए धिं-नाँ फुवाम्।

हितोपदेश 31:23

चए प्युँलाइ सहरर्बै थेबै म्हि बिसि ताँनइ म्हाँदिब्मुँ; धै ह्‍युल तिगोंर्बै थेबै म्हिमैंने टिम्।

मत्ती 2:6

‘ओ यहूदा ह्‍युलर्बै बेथलेहेम नाँस, क्हि तो सैरै या यहूदार्बै सहरमैं भन्दा च्‍योंब आरे। तलेबिस्याँ क्हिउँइँलेन् चिब घ्रि त्‍होंब्‍मुँ। खीजीन् ङए म्‍हिमैं अथवा इस्राएलीमैंए छैं लब्‍मुँ।’”

रूथ 1:2

चए मिं एलीमेलेक मुँल। चए प्ह्रेंस्योए मिं नाओमी धै चए च्हमैंए मिं महलोन नेरो किल्योन मुँल। चमैं यहूदार्बै बेथलेहेम नासर्बै एप्रातीमैं मुँल। चमैं मोआबी ह्‍युलर ह्‍यासि चर्न टिइ।