रोमी 9:9 - परमेश्‍वरए ताँ तमु क्युइर

⁹ तलेबिस्याँ परमेश्‍वरजी अब्राहामने छले बाछा फैथेंल, “क्‍हुरिमा चु त्हेर्न ङ युमा क्‍हिए प्‍ह्रेंस्‍यो साराई च्‍ह फिब्‍मुँ।”

रोमी 9:9 ပူးပေါင်းရင်းမြစ်များ

उत्पत्ति 17:21

दिलेया ङए बाछा इसहाकनेन् फैब्मुँ। क्हुरिंम्बै चु त्हेजरे साराई क्हिउँलेन् च्ह फिब्मुँ।”

उत्पत्ति 18:10

झाइले याहवेहजी बिइ, “क्हुरिंम्बै चु त्हेजरे ङ क्हि ङाँर एयुब्मुँ। च्हमा क्हिए प्ह्रेंस्यो साराई च्ह घ्रि फिब्मुँ।” साराई चु ताँ चए लिउँइँ तम्बुए म्राउँइँले थेरिल।

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

उत्पत्ति 21:2

साराई प्हसे नोइ, धै परमेश्‍वरजी चने बिब् धोंले अब्राहाम खेब् तबै त्हेर साराई च्ह घ्रि योंइ।

चेला चिब्मैंए केमैं 5:38

छतसि तोगोबै चु ताँए बारेर ङ क्हेमैंने बिमुँ, चु म्हिमैंउँइँले स्योले टिद्, धै चु म्हिमैंलाइ पिवाद्। तलेबिस्याँ चुमैंए ताँ नेरो केए चाँजो म्हिमैंउँइँले मुँस्याँ चमैंए मिं क्रन् म्हयाब्मुँ।

हिब्रू 11:17

परमेश्‍वरजी अब्राहामए जाँच लमा अब्राहामइ बिश्‍वासए भरर्न ह्रोंसए च्ह इसहाक ख्रो पिंबर होंइ। परमेश्‍वरजी ओंसोंन् अब्राहामने बाछा फैलेया अब्राहामइ खीए घ्रिदे मुँबै च्‍हए ख्रो पिंबर छेइ,