रोमी 9:7 - परमेश्‍वरए ताँ तमु क्युइर

⁷ झाइले अब्राहामए ताँन् सन्तानमैं परमेश्‍वरए च्ह-च्हमिमैं आङिं। अब्राहामल च्‍ह ङ्हिं मुँनबिलेया परमेश्‍वरजी छ बिल, “इसहाकउँइँले योंबै सन्‍तान मत्‍त्रे क्‍हिए सन्‍तान ठर्दिब्‍मुँ।”

रोमी 9:7 ပူးပေါင်းရင်းမြစ်များ

उत्पत्ति 21:12

दिलेया परमेश्‍वरजी अब्राहामने बिइ, “च कोलो नेरो क्हिए केब्स्यो हागारए ल्हागिरि क्हिइ न्हुँ आलद्। ङइ क्हिने बाछा फैब् धोंले क्हिए सन्तान इसहाकउँइँलेन् तब्मुँ। छतसि साराई क्हिने खै बिमुँ छान् लद्।

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

लूका 16:30

“च प्‍ल्हो‍बै म्‍हिइ धबै बिइ, ‘आङिं, बाज्‍यू अब्राहाम, चमैंइ प्ह्रिबै ताँ आक्वेंलै या सियाबै म्‍हिमैंउँइँले घ्रि सोगों तसि चमैं ङाँर ह्‍याइ बिस्‍याँ बल्‍ल चमैंइ ह्रोंसए आछ्याँबै केमैंउँइँले सैं एसि परमेश्‍वरए ताँ क्वेंब्मुँ।’

लूका 3:8

छतसि क्हेंमैए सैं परमेश्‍वरउँइँ एसि छ्याँबै के लसि उँइँन्। ‘ङि यहूदीमैं परमेश्‍वरजी त्‍हाँबै म्‍हि अब्राहामए कुलर्बै सन्तानमैं ग। छतसि ङिइ परमेश्‍वरउँइँले सजैं आयों बिसि क्हेमैंइ आमैंन्’ तलेबिस्याँ परमेश्‍वरजी चु युँमाउँइँले या अब्राहामए ल्हागिर सन्तानमैं लमिंल् खाँम्।

यूहन्‍ना 8:33

दिलेया चमैंइ खीने बिइ, “ङिम् अब्राहामए सन्तानमैं ग। तोगो समा ङि खाबै केब्छैं तसि टिल् आत्हुइमुँ। ‘क्हेमैं दुःखउँइँले फ्रेयाब्मुँ’ बिसि खैले बिल?”

गलाती 4:23

केब्स्‍यो हागार ङाँइँले योंबै च्ह अब्राहामइ ह्रोंसए ज्युर्बै इच्छाउँइँले योंल। दिलेया ह्रोंसए प्‍ह्रेंस्‍यो सारा ङाँइँले योंबै च्ह बिस्याँ परमेश्‍वरजी च्ह पिंम् बिसि बाछा फैबइले योंल।

गलाती 4:28

ओ अलि-अङाँमैं, इसहाक धोंले ङ्यो या परमेश्‍वरजी फैबै बाछाउँइँले योंबै प्हसेमैं ग।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

हिब्रू 11:18

तलेबिस्याँ “इसहाकउँइँलेन् क्हिए सन्तान तब्मुँ,” बिसि परमेश्‍वरजी ओंसोंन् अब्राहामने बिल।