रोमी 9:4 - परमेश्‍वरए ताँ तमु क्युइर

⁴ परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

रोमी 9:4 ပူးပေါင်းရင်းမြစ်များ

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 17:10

क्हि नेरो क्हिए लिउँइँ खबै ताँन् सन्तानमैंज्यै या ङिंल् त्हुबै ताँ चुन् ग: क्हेमैंए न्होंर्बै ताँन् मुँयुँमैंइ ज्युर्बै ट्हुबि क्ह्‍याँसि चिनु लल् त्हुब्मुँ।

उत्पत्ति 17:2

ङइ क्हिलाइ ल्हें सन्तानमैं पिंब्मुँ बिसि ङ नेरो क्हिए म्हाँजोरि बाछा फैब्मुँ।”

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 32:28

च स्वर्गदूतइ बिइ, “क्हिइ परमेश्‍वर नेरो म्हिमैंने नेसि ट्होल् खाँइ। छतसि तारे क्हिए मिं याकूब आङिं, इस्रायल तब्मुँ।”

भजनमैं 147:19

खीजी ह्रोंसए ताँ याकूबने धै ह्रोंसए ठिममैं नेरो निसाफमैं इस्राएलने उँइँमिंइमुँ।

भजनमैं 63:2

पबित्र क्‍ल्‍ह्‍योर ङइ क्हिलाइ म्रोंइमुँ, क्हि शक्‍ति मुँब नेरो बेल्‍ले म्हारब ङइ म्रोंइ।

भजनमैं 73:1

क्ह्रोंसेंन इस्राएलए ल्हागिर, छ्याँबै सैं प्ह्‍याब्मैंए ल्हागिर, परमेश्‍वर स्वाब मुँ।

भजनमैं 78:61

बाछा फैसि प्ह्रिबै युमा थेंबै मुदुस खीजी अरू ह्‍युलर पिमिंइ, खीए शक्ति बेल्‍ले थेब मुँ धै खी बेल्‍ले छ्याँब मुँ बिबै चिनु खीजी शत्तुरमैंए योर पिंवाइ।

भजनमैं 89:3

“ङइ त्हाँबै म्हिने बाछा फैइमुँ,” बिसि याहवेहजी बिइ। “ङए के लबै म्हि दाऊदने ङइ चु कसम चइमुँ:

भजनमैं 89:34

ङइ फैबै बाछा ङ फुरिब् आरे, ङए सुँउँइँले त्होंबै बचन ङ फेर्दिरिब् आरे।

भजनमैं 90:16

क्हिए के लब्मैंने क्हिजी लबै केमैं उँइँमिंन्, धै क्हिजी लबै औदिबै केमैं ङिए सन्‍तानमैंलाइ म्रोंल् पिंन्।

प्रस्थान 12:25

याहवेहजी बाछा फैसि पिंम् बिबै ह्‍युलर क्हेमैं होंमा क्हेमैंइ चु चाड म्हाँदिद्।

प्रस्थान 34:27

याहवेहजी मोशाने बिइ, “चु ताँमैं प्ह्रिद्, तलेबिस्याँ चु ताँ धोंलेन् क्हि नेरो इस्राएलीमैंने ङइ बाछा फैइमुँ।”

प्रस्थान 4:22

च त्हेर क्हिइ फारो म्रुँने छले बिद्, ‘याहवेहजी बिइमुँ, इस्राएल ङए च्ह थेब ग।

प्रस्थान 40:34

च लिउँइँ न्हाँम्स्योइ पबित्र तम्बु हुवामा याहवेहए चारबै ह्‍वेइ पबित्र तम्बु चारइ।

मत्ती 21:33

येशूजी चमैंने बिइ, “धबै अर्को ताँ थेद्। म्‍हि घ्रिइ अँगुरए खेति लसि कारग्युले बार थोइ। अँगुर म्‍हाबै कोल नेरो अँगुर रुँबै ल्हागिर म्हि टिबै क्ल्ह्‍यो या बनेइ। झाइले च म्रों आधे पिथेंसि च ह्रेंगोर्बै ह्‍युलउँइँ ह्‍याइ।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 1:47

येशूजी नथानेल खी ङाँइ खरिब् म्रोंसि चए बारेर बिइ, “ङ्‌ह्‍योत्ति, पक्‍क इस्राएलीथें घ्रि। चने तोइ छल आरे।”

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”

रोमी 3:2

ल्हें सैर चु केर फेम्! परमेश्‍वरजी ताँन् भन्दा ओंसों यहूदीमैंलाइन खीए पबित्र ताँ म्हाँदिबर पिंइ।

रोमी 8:15

तलेबिस्याँ परमेश्‍वरजी क्‍हेमैंलाइ पिंबै प्ल्हजी क्‍हेमैंलाइ क्ल्हे म्रोंसि ङ्हिंबै केब्छैं धों तल् आत्हुब् लमिंइमुँ, बरु पबित्र प्ल्हजी क्‍हेमैंलाइ परमेश्‍वरए च्‍ह-च्हमिमैं लमिंइ, छतसि खीए पबित्र प्ल्हए भोंउँइँले ङ्योइ परमेश्‍वरने “आबा, ओ ङए आबा,” बिल् योंइमुँ।

रोमी 9:6

ल्हें यहूदीमैं ख्रीष्‍टए लिलि आप्र बिबर्न परमेश्‍वरजी चमैंए खेमैंने फैबै बाछामैं फाक्‍कर्न तइ बिब् वा? आङिं, तलेबिस्याँ इस्राएली ह्रेंर फिबै ताँन् म्‍हिमैं परमेश्‍वरजी त्‍हाँबै म्‍हिमैं ग बिल् आखाँ।

२ कोरिन्थी 11:22

चमैं हिब्रू क्‍युइ पोंल् खाँम्‍मा? ङै या पोंल् खाँम्। चमैं इस्राएलीमैं वा? ङै या इस्राएली ग। चमैंए खे अब्राहाम वा? ङए खे या अब्राहाम ग।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

एफिसी 2:12

च त्हेर क्‍हेमैं ख्रीष्‍टउँइँले ह्रेंगो मुँल, परमेश्‍वरजी त्‍हाँबै ह्रें इस्राएलीमैंने बालु आरेल, छतसि क्‍हेमैं बिदेशिमैं धोंन् तइ टिल, परमेश्‍वरजी खीए म्‍हिमैंने बाछा फैसि पिंम् बिबै आशिकए न्होंर क्हेमैं आरेल, धै चु ह्‍युलर टिमा क्हेमैं परमेश्‍वरलाइ ङो आसेसि आशा आरेल्‍ले टिल।

हिब्रू 9:1

ओंसोंबै बाछार परमेश्‍वरए मिं क्वेबर ओलेबै ठिममैं नेरो परमेश्‍वर म्हाँदिबै ल्हागिर म्हिमैंइ बनेबै पबित्र क्ल्‍ह्‍यो घ्रि या मुँल।

हिब्रू 9:10

तलेबिस्याँ चु सैमैं ताँन् चब्, थुँबै ल्हागिर नेरो ज्यु ख्रुसि चोखो लबै रोसमैं मत्त्रे ग। परमेश्‍वरउँइँले अर्को छारा ठिम आयुन् समा चु रोसमैंइ ज्युए ल्हागिर मत्‍त्रे के लम्।

हिब्रू 9:3

च न्‍होंर्न पर्दा क्‍वें लिउँइँ अर्को च्योंने कोठा मुँल। च “ताँन् भन्दा पबित्र क्‍ल्‍ह्‍यो” मुँल।

हिब्रू 9:5

च बाकसए फिर छरि तबै ल्हागिर माराइ बनेबै करूबमैं मुँल। चमैंइ प्‍ह्‍या फैसि क्षमा नेरो ल्हयो लबै क्‍ल्‍ह्‍यो उथेंल। दिलेया चु ताँमैंए बारेर घ्रि घ्रिले ङिइ तोगो बिल् आखाँ।

हिब्रू 9:6

चु ताँन् सैमैं लल् खाँबै लिउँइँ ख्रो पिंबै खेगिमैं ह्रोंसइ लल् त्हुबै के लबर त्हिंइ ह्रोंसे बैरुउँइँबै पबित्र तम्बु न्होंर ह्‍यामल।