रोमी 9:31 - परमेश्‍वरए ताँ तमु क्युइर

³¹ दिलेया यहूदीमैं परमेश्‍वरए उँइँरि ठिक ठर्दिबै ल्हागिर ठिमइ बिब् धोंलेन् लल् म्हैइ दिलेया लल् आखाँ।

रोमी 9:31 ပူးပေါင်းရင်းမြစ်များ

रोमी 10:20

छलेन यशैयाइ अझै भों खल्‍ले अरू ह्रेंमैंए बारेर छले बिइमुँ, “ङलाइ आम्‍हैब्‍मैंइ ङलाइ योंइ, ङलाइ आम्हैब्मैंए म्हाँजोर ङ ह्रोंसन् म्रोंयुइमुँ।”

रोमी 11:7

छ बिस्‍याँ चु ताँए अर्थ तो तइ दि? खेंमैंइ म्‍हैबै मुक्‍ति ताँन् यहूदीमैंइ आयों। दिलेया परमेश्‍वरजी त्‍हाँबै यहूदीमैंइ मत्‍त्रे मुक्‍ति योंइ। अरू चैबै यहूदीमैंए सैं सारो तइ।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 3:27

छतसि ङ्योइ तले प्हैंल् त्हुइ? प्‍हैंबै ताँ तोइ आरे। ङ्योइ ठिमइ बिब् ङिंसि परमेश्‍वरए उँइँर ठिक ठर्दिस्‍याँ प्‍हैंबै घ्याँ या तमल, दिलेया येशू ख्रीष्‍टए फिर बिश्‍वास लसि मत्‍त्रे ठिक ठर्दिबइले प्‍हैंबै ताँ तोइ आरे।

गलाती 3:21

छ बिस्‍याँ ठिम परमेश्‍वरजी फैबै बाछाए बिरोधर तइ वा? आत, छाबै ताँ कत्ति तल् आखाँ! म्हिमैंइ खोंयोंइ आखाँबै छ्ह योंरिगे बिसि ठिम पिंब् ग बिस्याँ, ठिमइ लद् बिबै केमैं लसिन् म्हिमैं परमेश्‍वरए उँइँर ठिक ठर्दिमल।

फिलिप्पी 3:6

जोसए बारेर बिले बिस्याँ, ङइ येशू ख्रीष्‍टए फिर बिश्‍वास लब्मैं ह्रुगुदिइ! धै ठिक केमैंए बारेर बिले बिस्याँ मोशाइ प्ह्रिबै ठिममैंइ बिब् धोंबै केमैं लसि छ्याब् आरेबै म्हि मुँल।