रोमी 9:18 - परमेश्‍वरए ताँ तमु क्युइर

¹⁸ छले परमेश्‍वरजी खीजी ल्हयो खदा ङ्हाँब्‍मैंए फिर ल्हयो खम्, धै सैं सारो लमिंदा ङ्हाँब्‍मैंलाइ खीजी सैं सारो लम्।

रोमी 9:18 ပူးပေါင်းရင်းမြစ်များ

प्रस्थान 10:1

याहवेहजी धबै मोशाने “फारो ङाँर ह्‍याद्,” बिइ। “तलेबिस्याँ चमैंए म्हाँजोर ङए चु औदिबै चिनुमैं उँइँरिगे बिसि ङइ च नेरो चए के लब्मैंए सैं सारो लमिंब् ग।

प्रस्थान 10:20

दिलेया याहवेहजी फारोए सैं सारो लमिंमा चइ इस्राएलीमैं ह्‍याल् आपिं।

प्रस्थान 10:27

दिलेया याहवेहजी फारोए सैं सारो लमिंमा फारोइ चमैं ह्‍याल् आपिं।

प्रस्थान 11:10

मोशा नेरो हारूनइ औदिबै केमैं ताँन् फारोए उँइँर लइ। दिलेया याहवेहजी फारोए सैं सारो लमिंसि चइ इस्राएलीमैं ह्रोंसए ह्‍युलउँइँले ह्‍याल् आपिं।

प्रस्थान 14:17

ङइ मिश्रीमैंए सैं सारो लमिंब्मुँ, धै चमैं क्हेमैंए लिलि ल्हैदिब्मुँ। दिलेया फारो नेरो चए ताँन् सिपाइमैं चए रथमैं नेरो चए घोडा क्रेब्मैंउँइँले ङए महिमा तल्मिंब्मुँ।

प्रस्थान 14:4

ङइ फारोए सैं सारो लमिंब्मुँ धै चइ इस्राएलीमैं ल्हाब्मुँ। दिलेया फारो नेरो चए ताँन् सिपाइमैंउँइँले ङए मिं थेब् तल् योंब्मुँ। छतमा मिश्रीमैंइ ‘ङन् याहवेह ग।’ बिसि सेब्मुँ।” याहवेहजी छले बिमा इस्राएलीमैंइ छान् लइ।

प्रस्थान 4:21

याहवेहजी धबै मोशाने बिइ, “क्हि मिश्रर एह्‍यामा ङइ क्हिए योर थेंमिबै भोंउँइँले औदिबै केमैं फारो म्रुँए उँइँर लद्। दिलेया ङइ चए सैं सारो लब्मुँ। छतसि चइ ङए म्हिमैंलाइ ह्‍याल् पिंरिब् आरे।

प्रस्थान 7:13

दिलेया फारोए सैं सारो तइ। धै याहवेहजी बिब् धोंलेन् फारोइ चमैंए ताँ आथे।

प्रस्थान 7:3

दिलेया ङइ फारोए सैं सारो लवाब्मुँ। धै ङइ ङ्हिंन् ङ्हाँन् तबै औदिबै चिनुमैं ल्हें लमिंब्मुँ।

प्रस्थान 9:12

दिलेया याहवेहजी फारोए सैं सारो लमिंइ, धै याहवेहजी मोशाने बिब् धोंले मोशा नेरो हारूनए ताँ चइ आथे।

प्रस्थान 9:7

फारोइ चजरे ङ्‍ह्‍योबर म्हिमैं कुलमा इस्राएलीमैंल खेदोमैं घ्रि या सिब चमैंइ आम्रों। छान् तलेया फारोए सैं सारो तरिसि चइ म्हिमैं ह्‍याल् आपिं।

यूहन्‍ना 12:40

ङइ चमैंलाइ सल् लमिंल् आत्हुरिगे बिसि चमैंए मिइ आम्रोंरिगे, खोंइ आक्होरिगे, धै चमैं सैं एसि ङ ङाँर आखरिगे बिसि ङइ चमैंए मि म्रोंल् आखाँब् लमिंइँमुँ, धै चमैंए खों सारो लमिंइँमुँ, बिसि परमेश्‍वरजी बिइमुँ।

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।