रोमी 9:11 - परमेश्‍वरए ताँ तमु क्युइर

¹¹ चमैंइ छ्याँब आछ्याँब तोइ आलमन् फो न्होंर मुँमन् चमैंए के ङ्‌ह्‍योसि आङिं, बरु परमेश्‍वरजी बिब् धोंलेन्, च च्हमैं ङ्हिंर घ्रिलाइ त्हाँल बिबै प्रमाण उँइँबर

रोमी 9:11 ပူးပေါင်းရင်းမြစ်များ

भजनमैं 51:5

क्ह्रोंसेंन फिबै त्हे ओंनोंन् ङ पापि मुँल, ङए आमाए फो न्होंर मुँब् ओंनोंन् ङ पापि मुँल।

रोमी 4:17

परमेश्‍वरए छ्वेर छले प्ह्रिइमुँ, “ङइ क्‍हिलाइ ह्रें-ह्रेंमैंए खे तल् पिंइमुँ।” अब्राहामइ परमेश्‍वरए फिर बिश्‍वास लबइले परमेश्‍वरए उँइँर अब्राहाम ङ्यो ताँनए खे ग। परमेश्‍बरजी सियाबै म्हिलाइ सोगों लमिंम्, धै म्‍हिमैंइ लल् आखाँबै सै या खीजी पोंसि तल् लमिंम्।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

एफिसी 2:9

छ्याँबै केमैं लसि म्हिमैंइ मुक्‍ति योंल् आखाँ। छतसि छ्याँबै के लइ बिसि खाबै या थेब् प्हैंल् आत्हु।

एफिसी 3:11

च चाँजो ह्‍युल बनेब् भन्दा ओंसों ओंनोंन् परमेश्‍वरजी मैंसि ङ्योए प्रभु येशू ख्रीष्‍टउँइँले पूरा लइ।

१ थेसलोनिकी 1:4

ओ परमेश्‍वरजी खोबै अलि-अङाँमैं, खीजी क्‍हेमैंलाइ त्हाँब् ग बिसि ङिइ सेइमुँ।

१ थेसलोनिकी 2:12

परमेश्‍वरजी खोबै छ्ह क्हेमैंइ थोरिगे बिसि ङिज्यै या क्‍हेमैंलाइ लोदा सैंदा लसि भों पिंइ बिसि क्हेमैंइ सेइमुँ। तलेबिस्याँ खीए मिं थेब् लबर परमेश्‍वरजी क्हेमैंलाइ खीए ग्याल्सर हुइब् ग।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

२ पत्रुस 1:10

छतसि ओ ङए अलि-अङाँमैं, परमेश्‍वरजी क्‍हेमैंलाइ त्हाँसि हुइमुँ बिबै ताँ क्ह्रोंसेंन् ग बिसि उँइँबै ल्हागिर क्हेमैं छेनले छ्ह थोद्। छ लस्‍याँ क्‍हेमैं परमेश्‍वरउँइँले खोंयोंइ ह्रेंगो तरिब् आरे।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”