रोमी 8:5 - परमेश्‍वरए ताँ तमु क्युइर

⁵ छ्ह थोबै तरिका ङ्हिं मुँ: घ्रि, ह्रोंसए ओंसोंबै बानि अनुसार प्रब्मैंए सैं ओंसोंबै बानिए इच्‍छार्न ह्‍याम्। अर्को, परमेश्‍वरए प्ल्हजी बिब् धोंले प्रब्मैं खीए प्ल्हए इच्‍छार्न सैं ह्‍याम्।

रोमी 8:5 ပူးပေါင်းရင်းမြစ်များ

मर्कूस 8:33

दिलेया येशू लिग्‍याँ तुसि चेलामैंउँइँ ङ्‌ह्‍योसि पत्रुसने “ओ दुष्‍ट, ङ ङाँइँले स्‍योह्‍याद्! तलेबिस्याँ क्‍हि परमेश्‍वरए ताँ आङिं, दिलेया म्‍हिइ मैंब् धोंले मैंमना,” बिसि हौदिइ।

यूहन्‍ना 3:6

ज्युउँइँले फिब ज्युन् ग, धै पबित्र प्ल्हउँइँले फिब प्ल्हन् ग।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

१ कोरिन्थी 15:48

पृथ्‍बीर्बै ताँन् म्‍हिमैं सउँइँले बनेबै म्‍हि आदम धों तब् ग। स्‍वर्गर्बै म्हिमैं स्‍वर्गउँइँले युबै म्हि येशू ख्रीष्‍ट धोंन् तब् ग।

१ कोरिन्थी 2:14

पबित्र प्ल्ह आरेबै म्हिमैंइ परमेश्‍वरजी बिबै ताँ क्होल् आखाँ। च ताँ चमैंए ल्हागिर केर आफेबै ताँ धों तम्, तलेबिस्याँ पबित्र प्ल्हजी पिंबै ज्ञान-बुद्धिउँइँले मत्‍त्रे च ताँमैं क्होल् खाँम्।

२ कोरिन्थी 10:3

ङि चु ह्‍युलर टिलेया, चु ह्‍युलर्बै म्‍हिमैं धोंले ङि प्होंब्-न्हेब् आल।

गलाती 5:17

तलेबिस्याँ म्‍हिमैंए सैंउँइँले खबै आछ्याँबै इच्‍छाइ पबित्र प्ल्हए बिरोध लम्, छलेन पबित्र प्ल्हए छ्याँबै इच्‍छाइ म्‍हिमैंए सैंउँइँले खबै आछ्याँबै इच्‍छाए बिरोध लम्। चुमैं ङ्हिं आक्‍ह्रि। छतमा क्‍हेमैंइ छ्याँबै केमैं लल् म्हैलेया लल् आखाँ।

एफिसी 5:9

तलेबिस्याँ खीए ह्‍वेर टिबइले क्हेमैंइ ताँन् खालर्बै छ्याँबै केमैं, ठिक केमैं, नेरो क्ह्रोंसेंन्बै ताँमैं लम्।

२ पत्रुस 2:10

बिलन् त्हुमा च म्हिमैं छाब् तम्: चमैंइ ह्रोंसलाइन पापर च्होवाबै केमैं लम्। चमैंइ परमेश्‍वरजी ल्हैदिबै ताँ आङिं। धै छ्याँबै के लबै स्वर्गदूतमैंलाज्यै या चमैंइ तो धोंइ आङ्हाँन्ले पोंम्।