रोमी 8:38 - परमेश्‍वरए ताँ तमु क्युइर

³⁸ तलेबिस्याँ ङइ चु ताँ पक्‍का था सेइमुँ: तो सैज्‍यै या ङ्योलाइ ख्रीष्‍टजी लबै म्हाँयाउँइँले फ्रेवाल् आखाँ। स्‍वर्गदूतमैंइ, ह्‍युलर्बै भों मुँबै सैमैंइ, आछ्याँबै भों मुँबै सैमैंइ, तोगो तरिबै सैमैंइ, लिउँइँ तखबै सैमैंइ, अथवा कालइ,

रोमी 8:38 ပူးပေါင်းရင်းမြစ်များ

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

रोमी 14:7

ङ्यो खाबै या ह्रोंसए ल्हागिर आसो, ह्रोंसए ल्हागिर आसि।

रोमी 14:8

ङ्यो सोलेया प्रभुए ल्हागिर्न सोम्, सिलैया प्रभुए ल्हागिर्न सिम्। छतसि सोलेया सिलेया ङ्यो प्रभुल ग।

रोमी 4:21

तलेबिस्याँ परमेश्‍वरजी फैबै बाछा खैले बिलेन् तब्‍मुँ बिसि चइ क्वेंल।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

१ कोरिन्थी 15:24

च लिउँइँ चु ह्‍युलए आखिरि त्हिंइ खब्‍मुँ। च त्हेर ख्रीष्‍टजी ताँन् शासकमैं, अधिकारमैं नेरो ताँन् भों मुँबै सैमैं नास लवासि परमेश्‍वर आबालाइ ग्याल्स लबर पिंब्मुँ।

२ कोरिन्थी 11:14

चु ताँर प्लेटोरिल् आत्हु! तलेबिस्याँ दुष्‍टै या चारबै स्‍वर्गदूत धों तल् खाँम्।

२ कोरिन्थी 4:13

भजनसंग्रहर बिब् धोंले, “ङइ परमेश्‍वरए फिर बिश्‍वास लइ, छतसि ङइ खीए ताँ पोंइ।” छ बिब् धोंलेन् ङिज्यै या खीए फिर बिश्‍वास लइ, छतसि ङि खीए ताँ पोंम्।

एफिसी 1:21

चर क्हुँसि ख्रीष्‍टजी ताँन् स्‍वर्गदूतमैंए फिर, स्‍वर्गदूतमैंए चिब्मैंए फिर, अधिकारिमैंए फिर नेरो स्‍यागि-म्‍होंगिमैंए चिब्मैंए फिर, तोन्‍दोंरि सैए फिर ग्याल्स लम्। चु जुगर मत्‍त्रे आङिं, तारे तबै जुगर्बै या ताँन् थे-थेबै सैमैंए फिर ख्रीष्‍टलाइ ग्याल्स लल् पिंइमुँ।

कलस्सी 1:16

तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

कलस्सी 2:15

येशू ख्रीष्‍ट क्रूसर सिमिंसि खीजी च ताँन् दुष्‍टए शक्‍ति मुँबै सैमैं केर आफेब् लवासि ट्होवाइमुँ। धै “चमैं ताँन् ङए न्होंर मुँ” बिसि खीजी ताँन् म्‍हिमैंए उँइँरि चमैं फाफेल् लवाइ।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।