रोमी 8:27 - परमेश्‍वरए ताँ तमु क्युइर

²⁷ झाइले म्‍हिमैंए सैंर्बै ताँमैं था सेबै परमेश्‍वरजी पबित्र प्ल्हए बिचारै या था सेम्, तलेबिस्याँ पबित्र प्ल्हजी परमेश्‍वरए म्‍हिमैंए ल्हागिर परमेश्‍वरजी मैंब् धोंले खीने यो छ्युँ लमिंम्।

रोमी 8:27 ပူးပေါင်းရင်းမြစ်များ

भजनमैं 139:1

ओ याहवेह, क्हिजी छेनाले ङए जाँच लइमुँ, धै ङ खैब मुँ बिसि क्हिजी सेइमुँ।

भजनमैं 38:9

ओ याहवेह, ङए सैंर मुँबै ताँन् ताँमैं क्हिजी सेइमुँ; ङए दुःख या क्हिजी म्रोंइमुँ।

भजनमैं 44:21

खीजी चु आसेमल् रो वा? तलेबिस्याँ खीजी खों न्होंर्बै ताँमैं सेम्।

भजनमैं 7:9

ओ ठिक निसाफ लबै परमेश्‍वर, सैं नेरो खों खैतब मुँ बिसि क्हिजी ङ्‍ह्‍योम्। दुष्‍ट म्हिमैंइ लबै आछ्याँबै केमैं सदसुदुले म्हवाद्, दिलेया ठिक के लब्मैं भोंब लमिंन्।

हितोपदेश 17:3

मारा नेरो चाँदि मिइ खार्दिम्, दिलेया म्हिए खों जाँच लब याहवेहन् ग।

मत्ती 6:8

छतसि क्‍हेमैं चमैं धों आतद्, तलेबिस्याँ क्‍हेमैं चैदिबै सैमैं क्हेमैंइ ह्रिब् भन्दा ओंसोंन् क्हेमैंए परमेश्‍वर आबाजी सेम्।

लूका 16:15

धबै येशूजी चमैंने बिइ, “क्‍हेमैं म्‍हिमैंए उँइँरि ‘ङ छ्याँब धर्मि म्‍हि ग’ बिसि थेब प्‍हैंम्। दिलेया क्हेमैंए सैं न्होंर तो मुँ बिसि परमेश्‍वरजी सेम्। म्‍हिमैंए सैंर थेब ङ्हाँबै सै परमेश्‍वरए उँइँर तोइ आङिंबै सै ग।

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 21:17

येशूजी सोंखेबै लारै या चने “ओ यूहन्‍नाए च्ह सिमोन, क्हिइ ङलाइ म्हाँया लम्मा?” बिसि ङ्योएमा पत्रुसए सैं च्योंब तयाइ तलेबिस्याँ येशूजी सोंखेबै लारै या चने “क्हिइ ङलाइ म्हाँया लम्मा?” बिसि ङ्योएइ। छतसि चइ खीने बिइ, “प्रभु, क्हिजी तोन्दोंरि ताँ सेइमुँ। ङइ क्हिलाइ म्हाँया लम् बिसि क्हिजी सेइमुँ।” छबिमा येशूजी चने “ङए क्युमैं चल् पिंन्,” बिइ।

चेला चिब्मैंए केमैं 1:24

चमैंइ छले प्राथना लइ, “ओ प्रभु, क्‍हिजी ताँन् म्‍हिए सैं न्‍होंर्बै ताँ था सेम्। छतसि चु बारसाबास नेरो मत्तियासए न्‍होंरि क्‍हिजी त्‍हाँबै म्हि ङिने उँइँमिंन्।

चेला चिब्मैंए केमैं 15:8

खोंर्बै ताँ सेबै परमेश्‍वरजी ङ्योलाइ पबित्र प्ल्ह पिंब् धोंलेन् अरू ह्रेंर्बै म्हिमैंलाज्यै या पबित्र प्ल्ह पिंसि चमैं खीए म्हिमैं तल् पिंइमुँ बिबै ताँ ङ्योने उँइँमिंइ।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

रोमी 8:6

ओंसोंबै बानिए इच्‍छार सैं ह्‍यास्याँ म्‍हि सिम्, परमेश्‍वरए प्ल्हए इच्‍छार सैं ह्‍यास्याँ म्‍हिइ छारा छ्ह नेरो शान्‍ति योंम्।

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

१ थेसलोनिकी 2:4

छतसि परमेश्‍वरजी ङिलाइ भर म्हाँदिसि खीए सैं तोंबै ताँ बिप्रबै के ङिए जिम्‍मार पिंइ। छतसि म्हिमैंए सैं तोंन् लबर ङि आपो, बरु ङ्योए सैं न्होंर्बै ताँ सेबै परमेश्‍वरए सैं तोंन् लबर ङि पोंम्।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।