रोमी 8:2 - परमेश्‍वरए ताँ तमु क्युइर

² तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

रोमी 8:2 ပူးပေါင်းရင်းမြစ်များ

भजनमैं 51:12

क्हिजी पिंबै मुक्‍तिउँइँले धबै ङ सैं तोंन् लमिंन्, धै आछ्याँबै केमैं या लदा आङ्हाँबै सैं पिंन्।

यूहन्‍ना 4:10

येशूजी चने बिइ, “परमेश्‍वरए आशिक नेरो क्हिने क्यु ह्रिबै म्हि क्हिइ ङो सेस्याँ क्हिइ ङने क्यु ह्रिमल, धै खीजी खोंयों बिलै सोल् लमिंबै क्यु क्हिलाइ पिंमल।”

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

यूहन्‍ना 6:63

दिलेया परमेश्‍वरए प्ल्हजी मत्‍त्रे छ्ह पिंमुँ, छाबै के म्हिमैंए भोंइ लल् आखाँ। ङइ क्हेमैंने बिरिबै ताँमैं परमेश्‍वरए प्ल्हउँइँले योंबै खोंयोंइ आखाँबै छ्हर्बै ताँ ग।

यूहन्‍ना 8:32

झाइले क्हेमैंइ क्‍ह्रोंसेंन्बै ताँ तो जा बिसि सेब्मुँ, धै च क्ह्रोंसेंन्बै ताँइ क्हेमैंलाइ दुःखउँइँले फ्रेमिंब्मुँ।”

यूहन्‍ना 8:36

छतसि परमेश्‍वरए च्‍हजी क्हेमैंलाइ दुःखउँइँले फ्रेमिंइ बिस्याँ क्ह्रोंसेंन क्हेमैं दुःखउँइँले फ्रेयाब्मुँ।

रोमी 16:3

येशू ख्रीष्‍टए के लमा ङने बालुन् के लबै प्रिस्‍का नेरो चए प्युँ अकिलासने ङए जय मसीह मुँ बिमिंन्।

रोमी 3:27

छतसि ङ्योइ तले प्हैंल् त्हुइ? प्‍हैंबै ताँ तोइ आरे। ङ्योइ ठिमइ बिब् ङिंसि परमेश्‍वरए उँइँर ठिक ठर्दिस्‍याँ प्‍हैंबै घ्याँ या तमल, दिलेया येशू ख्रीष्‍टए फिर बिश्‍वास लसि मत्‍त्रे ठिक ठर्दिबइले प्‍हैंबै ताँ तोइ आरे।

रोमी 5:21

पापइ लमा खैले म्हिमैं सिल् त्हुइ, छलेन परमेश्‍वरए दयाम्हाँयाजी लमा खीजी ङ्योलाइ ठिक ठर्दिमिंइमुँ, धै प्रभु येशू ख्रीष्‍टउँइँले ङ्योइ खोंयोंइ आखाँबै छ्ह योंइमुँ।

रोमी 6:14

तारे क्‍हेमैंए फिर पापइ तोइ लल् खाँरिब् आरे, तलेबिस्याँ क्‍हेमैं ठिमए न्होंर आरे, परमेश्‍वरए दयाम्हाँयाए न्‍होंर मुँ।

रोमी 6:18

क्‍हेमैं पाप के लब् पिसि परमेश्‍वरए के लब्मैं तइमुँ।

रोमी 6:22

दिलेया तारे क्‍हेमैं पापउँइँले फ्रेसि परमेश्‍वरए के लबै म्हिमैं तइमुँ। छतसि तारे क्हेमैंने तल् त्हुबै रो छ्याब् आरेबै छ्ह ग। छले क्हेमैंइ खोंयोंइ आखाँबै छ्ह योंम्।

रोमी 7:21

छतसि ङइ छले क्होइमुँ: छ्याँबै के लदा ङ्हाँना-ङ्हाँन् ङइ पाप मत्‍त्रे लम्,

रोमी 7:23

दिलेया ङ न्होंर्बै अर्को सैंइ ङए सैंइ खोबै ठिमए बिरोध लम्। च बिरोध लबै सैंइ ङलाइ आछ्याँबै इच्‍छाए न्होंर फैवाम्।

रोमी 7:4

छतसि ओ ङए अलि-अङाँमैं, सिबउँइँले धबै सोगों तबै ख्रीष्‍टए ज्युने घ्रिन् तसि परमेश्‍वरए सैंर मैंब् धोंले लल् खाँरिगे बिसि ख्रीष्‍ट सिब् धोंलेन् क्हेमैं या ठिमए लेखि सिइमुँ।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

१ कोरिन्थी 15:45

तलेबिस्याँ परमेश्‍वरए छ्वेरै या छले प्ह्रिइमुँ, “ओंसोंबै म्‍हि आदम छ्ह मुँबै म्‍हि तइ।” लिउँइँबै आदम (अथवा येशू ख्रीष्‍ट) छ्ह पिंबै पबित्र प्ल्ह तइ।

२ कोरिन्थी 3:17

“याहवेह” पबित्र प्ल्ह ग, छतसि खाब्ने याहवेहए प्ल्ह तमुँ, च म्‍हि खाँसों ङ्हाँन् तल् योंम्।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

गलाती 2:19

तलेबिस्याँ ङ परमेश्‍वरए ल्हागिर सोरिगे बिसि ओंसोंबै ङइ म्हाँदिबै ठिमइ लमा ठिमए ल्हागिर ङ सिब् धोंन् तइमुँ।

गलाती 5:1

ङ्यो केब्छैं-केब्स्‍योमैं आतबै ल्हागिर ख्रीष्‍टजी सै फोसि ङ्योलाइ ठिमउँइँले खामिंइ। छतसि सैं भोंब् लद्। क्‍हेमैं धबै केब्छैं-केब्स्‍योमैं आतद्!

गलाती 6:2

घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

याकूब 1:25

दिलेया परमेश्‍वरए ठिमर्बै ताँमैं छेनाले थेसि चर बिब् धोंलेन् प्रबै म्‍हिइ आशिक योंब्मुँ। तलेबिस्याँ ठिमइ छ्याँबै छ्ह खैले थोल् त्हुम् बिबै ताँमैं लोमिंम्, धै ठिमर्बै ताँमैं आम्‍लेबै म्हि ठिमइ बिब् धोंलेन् लरिम्।

दर्शन 11:11

दिलेया सोंरो से आधा त्हिंइ लिउँइँ परमेश्‍वरउँइँले छ्ह योंबै सो च सिनु ङ्हिंए न्‍होंर होंइ। धै चमैं ह्रोंसए प्हलेर्न राइ। छले राब् म्रोंसि म्हिमैं बेल्‍ले ङ्हिंयाँइ।

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,