रोमी 8:17 - परमेश्‍वरए ताँ तमु क्युइर

¹⁷ ङ्यो परमेश्‍वरए च्‍ह-च्हमिमैं तसेरो परमेश्‍वरजी खीए च्‍ह-च्हमिमैंए ल्हागिर साँथेंबै अँश ङ्योइ योंब्‍मुँ, धै परमेश्‍वरजी ख्रीष्‍टए ल्हागिर साँथेंबै अँश या ङ्योइ खीने बालो योंब्‍मुँ। तलेबिस्याँ येशू ख्रीष्‍टजी दुःख नोब् धोंले ङ्योज्यै या छाबै दुःख नोस्‍याँ खीजी योंबै मान ङ्योज्यै या योंब्‍मुँ।

रोमी 8:17 ပူးပေါင်းရင်းမြစ်များ

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

लूका 24:26

परमेश्‍वरजी कुल्मिंबै जोगेमिंबै म्रुँ ख्रीष्‍टजी छाबै दुःख योंल् त्‍हुम्। झाइले ह्रोंसए मान योंबै कल्ह्‍योर ह्‍याल् आत्हु वा?”

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

चेला चिब्मैंए केमैं 20:32

“तारे ङइ क्‍हेमैंलाइ परमेश्‍वरए जिम्‍मार सुम्‍पिदिइमुँ। खीए दयाम्हाँयाए बारेर्बै ताँइ क्‍हेमैंए सैं भोंब् लमिंल् खाँम्, झाइले खीए म्‍हिमैंए फिर पूरा आशिक पिंब्‍मुँ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

रोमी 5:17

म्‍हि घ्रिए पापइ लमा ताँन् म्‍हिमैं सिल त्हुइ बिस्याँ, झन ल्हें परमेश्‍वरए दयाम्हाँया नेरो येशू ख्रीष्‍टए छ्याँबै केउँइँले आशिक छलेन् योंबै म्हिमैंइ येशू ख्रीष्‍टउँइँले खोंयोंइ आखाँबै छ्ह योंब्‍मुँ।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

१ कोरिन्थी 2:9

चु ताँए बारेर परमेश्‍वरए छ्वेर छले प्ह्रिइमुँ, “म्‍हिमैंइ खोंयोंइ आम्रोंब, खोंयोंइ आथेब, म्हिमैंए सैंरै आमैंबै ताँमैं, परमेश्‍वरजी खीलाइ म्हाँया लब्‍मैंए ल्हागिर तयार लथेंइमुँ।”

२ कोरिन्थी 1:5

ख्रीष्‍टजी ल्हें दुःख नोब् धोंले ङ्योज्यै या दुःख नोइबिस्‍याँ ख्रीष्‍टजी ङ्योए सैं क्होमिंम्।

२ कोरिन्थी 1:7

छतसि क्‍हेमैं म्रोंसि ङि भों खइमुँ, तलेबिस्याँ ङिइ नोब् धों तबै दुःख क्‍हेमैंज्‍यै नोबइले ङिइ सैं क्होबै भों योंब् धोंले क्‍हेमैंज्‍यै या सैं क्होबै भों योंब्मुँ बिसि ङिइ सेइमुँ।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

गलाती 4:7

छतसि तारे क्हेमैं केब्छैं आङिं, क्हेमैं परमेश्‍वरए प्हसेमैं ग। धै क्हेमैं खीए प्हसेमैं तबइले खीजी क्हेमैंलाइ हगवालामैं या लमिंइमुँ।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

फिलिप्पी 1:29

क्हेमैंइ ख्रीष्‍टए फिर बिश्‍वास लब मत्‍त्रे आङिं, खीए ल्हागिर दुःख नोसि खीए सेवा लबर दयाम्हाँया योंइमुँ।

फिलिप्पी 3:10

खी सिसि धबै खैले सोइ खगे बिसि खीए शक्‍ति ङइ क्होल् खाँरिगे, धै खी सिब् धोंलेन् ङइ या सिलन् त्हुलै सिसि खीजी नोब् धों तबै दु:ख नोल् खाँरिगे।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

हिब्रू 1:14

स्‍वर्गदूतमैं बिब, परमेश्‍वरए सेवा लबै प्ल्हमैं ग। धै परमेश्‍वरजी येशूए फिर बिश्‍वास लसि मुक्‍ति योंब्मैं ल्होबै ल्हागिरै या चमै कुल्‍मिंम्।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।

हिब्रू 6:17

परमेश्‍वरजी बाछा फैसि पिंम् बिबै सैमैं योंल् त्‍हुब्‍मैंलाइ “खीए ताँ खोंयोंइ आप्लिं,” बिसि उँइँमिंबै सैं लइ। छतसि खीजी कसम चसिन् च बाछा पक्‍का लइ।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

१ पत्रुस 1:4

स्वर्गर क्हेमैंए ल्हागिर साँथेंबै आशिक खोंयोंइ नास आतब, खोंयोंइ आङ्योंलोंब बेल्‍ले छ्याँब मुँ।

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

दर्शन 21:7

दुष्‍टए फिर ट्होब्मैंइ चु ताँन् आशिकमैं योंब्मुँ। धै ङ चमैंए परमेश्‍वर तब्‍मुँ, चमैं या ङए प्हसेमैं तब्‍मुँ।

दर्शन 3:21

“शैतान दुष्‍टए फिर ट्होगों तब्मैंलाइ ङइ ङए राजगद्दिर ङने बालुन् क्हुँल् पिंब्‍मुँ। ङज्‍यै या ट्होसि ङए आबाने खीए राजगद्दिर क्हुँल् योंब् धोंलेन् ट्होबै म्‍हि या ङने बालुन् क्हुँल् योंब्‍मुँ।