रोमी 7:8 - परमेश्‍वरए ताँ तमु क्युइर

⁸ दिलेया ठिमइ “लोब आलद्” बिबइले ङए आछ्याँबै इच्‍छाइ मौका च्ह्‍यासि ङए सैंइ ल्हें खालर्बै लोब खल् पिंमल, तलेबिस्याँ ठिम आरेबै त्हेर आछ्याँबै केमैं ललेया ङइ आछ्याँबै के लइ बिसि ङइ आसेमल।

रोमी 7:8 ပူးပေါင်းရင်းမြစ်များ

मर्कूस 7:22

लोब लब, स्‍योर तेब, खैच्हिजिले पोंब, ख्रे लब, थेब् प्‍हैंब, आमादु तब,

यूहन्‍ना 15:22

ङ युसि चु ह्‍युलर्बै म्हिमैंने आबिमिंस्याँ चमैंने पापए दोष आतमल। दिलेया तारेम् चमैंए पापए ल्हागिरि चमैंने तोइ न्युँ आरे।

यूहन्‍ना 15:24

अरू खाबज्यै या लल् आखाँबै औदिबै केमैं ङइ चमैंए उँइँर आलस्याँ चमैं पापए दोष आतमल। दिलेया चमैंइ ङ नेरो ङए आबा ङ्हिंना-ङ्हिंन् म्रोंसेया हेल लइमुँ।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 4:15

तलेबिस्याँ ठिमर्बै ताँ आम्हाँदिब्मैं म्रोंसि परमेश्‍वर ह्रिस खम्, दिलेया ठिमन् आरेस्याँ पाप तो जा बिसेया आसेमल।

रोमी 5:20

पाप कति ल्हें लइ बिब् सेरिगे बिसि परमेश्‍वरजी ठिम पिंइ। खैले पाप ल्हें ततै ह्‍याइ, छलेन परमेश्‍वरए दयाम्हाँया झन् ल्हें ततै ह्‍याइ।

रोमी 7:11

तलेबिस्याँ पापइ ठिमर्बै ताँउँइँले मौका च्ह्‍यासि ठिमउँइँले ङलाइ लुसि सैवाइ।

रोमी 7:13

छ बिस्याँ छ्याँबै ठिमइ ङलाइन सैवाइ बिब् तम्‍मा? आत! बरु पाप पापए रुपर्न म्रोंरिगे बिसि पापइ छ्याँबै केउँइँले ङलाइ सैवाब् ग। तलेबिस्याँ ठिमइ पाप बेल्‍ले आछ्याँबै सै ग बिसि छेनाले उँइँम्।

रोमी 7:17

छतसि आछ्याँबै केमैं लब ङइ आङिं, ङए न्‍होंर्बै पापइ लब् ग।

रोमी 7:9

ठिमइ बिबै ताँ आसेमा ङ सोगों मुँल, दिलेया ङइ ठमर्बै ताँ था सेबइले आछ्याँबै इच्छा भोंब तइ, ङ बिस्याँ सिल् त्हुइ।

१ कोरिन्थी 15:56

कालए भों पाप ग, झाइले पापए भों ठिम ग।