रोमी 7:22 - परमेश्‍वरए ताँ तमु क्युइर

²² तलेबिस्याँ ङए सैं घ्रिइ परमेश्‍वरए ठिम म्हाँदिबर बेल्‍ले सैं तोंम्,

रोमी 7:22 ပူးပေါင်းရင်းမြစ်များ

भजनमैं 1:2

दिलेया याहवेहए ठिमर्न (नियमर्न) च सैं तोंरिमुँ, धै त्हिंयाँ म्हुँइँस खीए ठिम सैंर थेंरिम्।

भजनमैं 119:111

क्हिजी बिबै ताँमैं ङए ल्हागिर मारा मुइ भन्दा थेब मुँ, च ताँमैंइ खोंयोंइ बिलै ङ‍ए सैं तोंन् लम्।

भजनमैं 119:113

सैं ङ्हिरि तबै म्हिमैं ङइ आखो, दिलेया क्हिए ठिम ङइ खोम्।

भजनमैं 119:127

मारा मुइ भन्दा, बेल्‍ले छ्याँबै मारा भनदै या, क्हिए ताँमैंन् ङइ खोम्,

भजनमैं 119:16

क्हिजी पिंबै ठिममैंर ङए सैं तोंरिब्मुँ; धै क्हिए ताँमैं ङ खोंयोंइ म्‍लेरिब् आरे।

भजनमैं 119:167

क्हिजी बिबै ताँमैं ङइ ङिंरिइमुँ; तलेबिस्याँ च ताँमैं ङइ बेल्‍ले खोम्।

भजनमैं 119:174

ओ याहवेह, ङइ क्हिए मुक्तिर आशा थेंइमुँ, धै क्हिए ठिमइ ङए सैं तोंल् लम्।

भजनमैं 119:24

क्हिजी बिबै ताँमैंइ ङए सैं तोंन् लइमुँ; च ताँमैंइन ङलाइ छेनाले लोदा सैंदा लम्।

भजनमैं 119:35

क्हिजी ल्हैदिबै के छेनाले लल् खाँबै म्हि ङलाइ तल् पिंनु, तलेबिस्याँ च केर्न ङए सैं तोंम्।

भजनमैं 119:72

मारा नेरो चाँदिए हजार टुक्र भन्दै या क्हिए सुँउँइँले त्होंबै ठिम ङए ल्हागिर बेल्‍ले छ्याँब मुँ।

भजनमैं 119:92

क्हिए ठिमर्बै ताँमैंइ ङए सैं तोंल् आलस्याँ, ङए दुःखइ लमा ङ सियामल।

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

रोमी 2:29

बरु सैं न्‍होंर परमेश्‍वरजी चिनु लबै म्‍हि क्‍ह्रोंसेंन्‍बै यहूदी ग। चु सैं न्‍होंर चिनु लबै के ठिमइ लल् आखाँ, चु परमेश्‍वरए प्ल्हइ लबै के ग। छाबै म्‍हिइ म्‍हिमैंउँइँले आङिं, परमेश्‍वरउँइँले मान योंम्।

रोमी 8:7

छतसि ओंसोंबै बानिए लिलि प्रब्मैं परमेश्‍वरए शत्तुर ग, तलेबिस्याँ चमैंइ ठिमर्बै ताँ आम्हाँदि, म्हाँदिलै या आखाँ।

२ कोरिन्थी 4:16

छतसि ङि सैं च्योंब आल। ङिए ज्युर्बै भों नु-नुइ ह्‍यालेया ङिए सैं त्हिंइ ह्रोंसे भोंब् ततै ह्‍याम्।

एफिसी 3:16

क्हेमैंए ल्हागिर ङइ छ बिसि प्राथना लइमुँ: परमेश्‍वरए बेल्‍ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्‍हेमैंए सैं भोंब् लमिंरिगे।

कलस्सी 3:9

घ्रिइ घ्रिने स्‍योर आतेद्, तलेबिस्याँ क्‍हेमैंइ ह्रोंसए ओंसोंबै आछ्याँबै बानि नेरो चइ लरिबै आछ्याँबै केमैं पिवाल् खाँइमुँ।

हिब्रू 8:10

“दिलेया चु त्‍हिंइ लिउँइँ, बिसि याहवहजी बिइमुँ। ङ इस्राएलए सन्तानमैंने छाबै बाछा फैब्‍मुँ: चमैंए सैंर ङए ठिम थेंमिंब्‍मुँ, धै चमैंए खोंर च ठिममैं प्‍ह्रिमिंब्‍मुँ। ङ चमैंए परमेश्‍वर तब्‍मुँ, धै चमैं ङए म्हिमैं तब्‍मुँ।

१ पत्रुस 3:4

बरु क्हेमैंए सैंर आगुए फिर खोंयोंन् बिलै छ्याँब मैंन्। ह्रोंसए प्‍युँलाइ कच कच आलद्, खीने सैं क्‍ह्रिसि टिद्, छलब परमेश्‍वरए उँइँर बेल्‍ले छ्याँब तम्, छाबै घाँना खोंयोंइ आम्‍ह।