रोमी 7:21 - परमेश्‍वरए ताँ तमु क्युइर

²¹ छतसि ङइ छले क्होइमुँ: छ्याँबै के लदा ङ्हाँना-ङ्हाँन् ङइ पाप मत्‍त्रे लम्,

रोमी 7:21 ပူးပေါင်းရင်းမြစ်များ

भजनमैं 119:133

क्हिजी फैबै बाछाइ बिब् धोंलेन् ङलाइ ठिक घ्याँर डोरेमिंन्, तोइ सैज्यै या ङलाइ पापर च्होवाल् आखाँरिगे।

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

भजनमैं 40:12

तलेबिस्याँ ङए फिर ल्हें दुःख तइमुँ; ङइ लबै आछ्याँबै केमैंइ लमा ङ क्र ओलै आखाँन् तयाइमुँ; क्रप्हो भन्दा ल्हें दु:खमैं ङए फिर तबइले ङइ मि या छेन्ले आम्रों; छतसि ङए सैं बेल्‍ले च्योंयाइमुँ।

भजनमैं 65:3

ङिइ छेरन् ङ्हाँबै केमैं लसि पापर प्ल्हुँरिम ङिए अपराधमैं क्हिजी क्षमा लमिंइ।

लूका 4:1

येशू क्युर प्ल्हुँसि बप्‍तिस्मा किंबै लिउँइँ परमेश्‍वरए पबित्र प्ल्हजी प्लिंसि यर्दन स्‍योंउँइँले एखमा पबित्रए प्ल्हजी खीलाइ क्यु आयोंबै क्ल्ह्‍योर बोइ।

यूहन्‍ना 8:34

येशूजी चमैंने बिइ, “क्ह्रोंसेंन ङ क्हेमैंने बिमुँ, पाप लब्मैं ताँन् पापए केब्छैं ग।

रोमी 6:12

छतसि पाप लबै सैं आखरिगे बिसि क्‍हेमैंए सिल् त्‍हुबै ज्युर पाप लल् आपिंन्।

रोमी 6:14

तारे क्‍हेमैंए फिर पापइ तोइ लल् खाँरिब् आरे, तलेबिस्याँ क्‍हेमैं ठिमए न्होंर आरे, परमेश्‍वरए दयाम्हाँयाए न्‍होंर मुँ।

रोमी 7:23

दिलेया ङ न्होंर्बै अर्को सैंइ ङए सैंइ खोबै ठिमए बिरोध लम्। च बिरोध लबै सैंइ ङलाइ आछ्याँबै इच्‍छाए न्होंर फैवाम्।

रोमी 7:25

परमेश्‍वरलाइ धन्‍यबाद तरिगे, तलेबिस्याँ प्रभु येशू ख्रीष्‍टजीन् ङ्योलाइ जोगेमिंइमुँ! छतमा ङए हालत छाबन् ग। ङइ ह्रोंसए सैंइ मत्‍त्रे परमेश्‍वरए ठिम म्हाँदिम्, दिलेया ङए ओंसोंबै बानिइ पापए सेवा लम्।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।

२ पत्रुस 2:19

ङिइ क्हेमैं छ्याँबै घ्याँर डोरेस्यो बिसि चमैंइ म्हिमैंने बाछा फैमुँ, दिलेया खेंमैंन् आछ्याँबै घ्याँर प्रम्। तलेबिस्याँ म्‍हिइ तो सैलाइ सैं पिंमुँ, च सैए केब्छैं तसि चए न्होंर्न टिल् त्हुम्।