रोमी 7:12 - परमेश्‍वरए ताँ तमु क्युइर

¹² परमेश्‍वरजी पिंबै ठिम पबित्र मुँ, धै चुइ ठिक ताँ लोमिंम्, म्‍हिमैंए ल्हागिर चु छ्याँब मुँ।

रोमी 7:12 ပူးပေါင်းရင်းမြစ်များ

भजनमैं 119:127

मारा मुइ भन्दा, बेल्‍ले छ्याँबै मारा भनदै या, क्हिए ताँमैंन् ङइ खोम्,

भजनमैं 119:137

ओ याहवेह, क्हिजी ठिक के लमुँ, धै क्हिए निसाफमैं ठिक मुँ।

भजनमैं 119:140

क्हिजी फैबै बाछार्बै ताँमैं जाँच लसि पक्‍का मुँ, छतसि क्हिए के लबै म्हिइ च ताँ बेल्‍ले खोम्।

भजनमैं 119:172

क्हिए ताँमैं ताँन् ठिक मुँ; छतसि ङए सुँइ क्हिए बाछाए छ्याँबै बयन प्रिंरिगे।

भजनमैं 119:38

क्हिलाइ मान लबै म्हिमैंने क्हिजी बाछा फैइमुँ; क्हिए के लबै म्हिए ल्हागिर च बाछा पूरा लमिंन्।

भजनमैं 119:86

क्हिए ताँन् ताँमैं भर लल् खाँब मुँ; छतसि ङ ल्होमिंन्, तलेबिस्याँ म्हिमैंइ तोन् तोर्न ङलाइ ह्रुगुदिइमुँ!

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 7:14

ठिम पबित्र प्ल्हउँइँले खबै छ्याँबै सै ग बिसि ङ्योइ सेइमुँ, दिलेया ङ ह्रोंसए सैंर मैंब् धोंले आछ्याँबै केमैं लप्रबै म्हि तबइले ङ केब्छैं तयाइमुँ धै चए न्होंर मुँ।

रोमी 7:16

ङइ लदा आङ्हाँबै आछ्याँबै केमैंन् लइ बिस्याँ ठिम छ्याँब मुँ बिसि ङइ म्हाँदिम्।

१ तिमोथी 1:8

परमेश्‍वरए ठिम छेनाले म्हाँदिस्याँ छ्याँब तम् बिसि ङ्योइ सेइमुँ।