रोमी 6:2 - परमेश्‍वरए ताँ तमु क्युइर

² कत्ति आङिं! छ लब आत। पापए लेखि ङ्यो सिल् खाँइ, छतसि ङ्यो अझै पापन् लरिब् आ?

रोमी 6:2 ပူးပေါင်းရင်းမြစ်များ

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

भजनमैं 119:104

क्हिजी ल्हैदिबै केमैंउँइँलेन् ङइ च्हैब् मैंब् लल् खाँबै शक्ति योंइमुँ; छतसि ताँन् आछ्याँबै के लबै घ्याँमैं ङइ पिवाल् खाँइमुँ।

लूका 20:16

च खसि च आधे लब्‍मैं सैवाब्मुँ, धै म्रों अरू म्हिमैंलाइन पिंवाब्मुँ।” चु ताँ थेसि म्हिमैंइ बिइ, “छाबम् खोंयोंइ आतरिगे!”

रोमी 5:11

च्‍हौ मत्‍त्रे आङिं, येशू ख्रीष्‍टउँइँले ङ्यो परमेश्‍वरर सैं तोंरिइमुँ, तलेबिस्याँ येशू ख्रीष्‍टउँइँले ङ्यो परमेश्‍वरए म्हिमैं तल् योंइमुँ।

रोमी 6:15

तारे तो बिले? ङ्यो ठिमए न्होंर आरे, दयाम्हाँया न्‍होंर मुँ बिसि पाप लब् वा? आङिं, लल् आत!

रोमी 7:4

छतसि ओ ङए अलि-अङाँमैं, सिबउँइँले धबै सोगों तबै ख्रीष्‍टए ज्युने घ्रिन् तसि परमेश्‍वरए सैंर मैंब् धोंले लल् खाँरिगे बिसि ख्रीष्‍ट सिब् धोंलेन् क्हेमैं या ठिमए लेखि सिइमुँ।

रोमी 7:6

दिलेया तारे ङ्योलाइ फैथेंबै ठिमए लेखि ङ्यो सियाइमुँ। छतसि ङ्यो ठिमइ बिब् धोंले ओंसोंबै तरिकाले आङिं, परमेश्‍वरए प्ल्हजी लोमिंब् धोंले छारा तरिकाले सेवा लम्।

गलाती 2:19

तलेबिस्याँ ङ परमेश्‍वरए ल्हागिर सोरिगे बिसि ओंसोंबै ङइ म्हाँदिबै ठिमइ लमा ठिमए ल्हागिर ङ सिब् धोंन् तइमुँ।

गलाती 6:14

दिलेया ङ्योए प्रभु येशू ख्रीष्‍टए क्रूसए बारेर बाहेक तोइ सैरै या प्हैंबै ताँ ङ ङाँइँले ह्रेंगोन् तरिगे। खी ङ्योए ल्हागिर क्रूसर सिमिंबइले ह्‍युलर्बै सैमैं ङए ल्हागिर तोइ आङिं, ह्‍युलए ल्हागिर ङ क्रूसर च्योवासि सिब् धोंन् तइ।

कलस्सी 2:20

छतसि ख्रीष्‍टने बालुन् क्हेमैं सिसि चु ह्‌युल ग्याल्स ओलेबै मोंमैंउँइँले फ्रेइ। छतमा चु ह्‍युलर्बै म्हिमैंइ धोंले “चु लल् तम्, च लल् आत” बिसि क्हेमैंइ तले छ्ह थोरिमुँ?

कलस्सी 3:3

तलेबिस्याँ क्‍हेमैं चु ह्‍युलए ल्हागिर सिल् खाँइमुँ, धै क्हेमैंए क्ह्रोंसेंन्बै छ्ह ख्रीष्‍टने बालुन् परमेश्‍वर ङाँर लोथेंइमुँ।

१ पत्रुस 1:14

क्‍हेमैं परमेश्‍वरए ताँ ङिंबै प्‍हसेमैं तबइले ओंसों येशूलाइ ङो आसेमा लबै आछ्याँबै केमैं तारे आलद्।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ यूहन्‍ना 3:9

परमेश्‍वरए प्‍हसेमैंइ पाप केमैं आल, तलेबिस्याँ परमेश्‍वरए छ्याँबै बानि चमैंए सैंर्न तरिम्। परमेश्‍वर चमैंए आबा ग। छतसि चमैंइ पाप लरिल् आखाँ।