रोमी 6:16 - परमेश्‍वरए ताँ तमु क्युइर

¹⁶ क्हेमैंइ ह्रोंसलाइ खाबै योर पिंवाँमुँ? चए केब्छैंन् क्हेमैं तल् त्‍हुम्। पापए केब्छैं तसि चइ बिब ङिंइ बिस्याँ क्हि सिल् त्हुब्मुँ, दिलेया परमेश्‍वरजी बिब ङिंइ बिस्याँ खीए उँइँर क्‍हेमैं ठिक ठर्दिब्मुँ।

रोमी 6:16 ပူးပေါင်းရင်းမြစ်များ

उत्पत्ति 4:7

क्हिइ छ्याँबै भेटि पखस्‍याँ ङ क्हि म्रोंसि सैं आतोंमल् वा? क्हिइ छ्याँब के आलस्याँ पाप क्हिए म्रार्न क्हुइ टिरिम्। चइ क्हिए फिर क्ल्हे तल् म्हैम्, दिलेया क्हि चए फिर क्‍ल्‍हे तल् त्हुम्।”

मत्ती 20:4

छतसि चइ चमैंने बिइ, ‘क्‍हेमैं या ङए म्रोंर के लबर ह्‍याद्। क्‍हेमैंइ योंल् त्हुबै नों सै ङइ पिंस्‍यो।’

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

यूहन्‍ना 8:34

येशूजी चमैंने बिइ, “क्ह्रोंसेंन ङ क्हेमैंने बिमुँ, पाप लब्मैं ताँन् पापए केब्छैं ग।

रोमी 11:2

परमेश्‍वरजी ओंसोंन् त्हाँबै म्‍हिमैंलाइ आत्‍याग्‍दिइमुँ। परमेश्‍वरए छ्वेर एलिया अगमबक्‍ताइ लबै प्राथनाए बारेर क्‍हेमैंइ सेइमुँ। एलियाइ यहूदीमैंए बिरोधर परमेश्‍वरने छले बिल,

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

रोमी 6:17

ओंसों क्‍हेमैं पापए केब्छैं मुँल, दिलेया तोगो क्‍हेमैंए सैं न्होंउँइँले परमेश्‍वरजी बिबै ताँ ङिंब्मैं तइमुँ। छतसि परमेश्‍वरलाइ धन्‍यबाद तरिगे।

१ कोरिन्थी 3:16

क्‍हेमैंन् परमेश्‍वरए मन्दिर ग, परमेश्‍वरए पबित्र प्ल्ह क्‍हेमैंए न्‍होंरि टिम् बिब क्हेमैंइ आसे वा?

१ कोरिन्थी 5:6

क्हेमैं थेब् प्‍हैंब ठिक आरे। च्युगुदे प्लेढाइ ल्हें क्हें फुल्दिवाम् बिब क्‍हेमैंइ आसेइमुँ वा?

१ कोरिन्थी 6:2

परमेश्‍वरए म्‍हिमैंइ ह्‍युलर्बै म्‍हिमैंए निसाफ लब्‍मुँ बिब क्‍हेमैंइ आसेइमुँ वा? ह्‍युलए निसाफ क्‍हेमैंना लल् त्‍हुम् बिस्‍याँ, च्‍युथिरि ताँमैं क्‍हेमैंना क्‍ह्रिमिंल् आखाँ वा?

१ कोरिन्थी 6:3

ङ्योइ स्‍वर्गदूतमैंलाज्यै या निसाफ लम् बिबै ताँ क्‍हेमैंइ आसेइमुँ वा? छतसि चु छ्हर तखबै च्यु-च्युथुरि ताँमैंम् ङ्योए ल्हागिर तोइ आङिं।

१ कोरिन्थी 6:9

अधर्मिमैंइ परमेश्‍वरए ग्याल्सर्बै आशिक आयों बिब क्‍हेमैं आसेइमुँ वा? क्‍हेमैंइ धोका योंबै के आतरिगे। छेरन् तबै के लब्‍मैं, कु पूजा लब्मैं, ब्यभिचारिमैं, मुयुँमैंनेन् आछ्याँबै के लबै मुयुँमैं,

१ कोरिन्थी 9:13

मन्दिरर के लबै म्‍हिइ मन्दिरर खबै सैमैंउँइँलेन् चल् योंम्, छलेन ख्रो पिंबै क्ल्ह्‍योर के लबै म्‍हिमैंइ ख्रो पिंबै सैउँइँलेन् ह्रोंसए भाग योंम्।

१ कोरिन्थी 9:24

चु ताँ क्‍हेमैंज्यै सेइमुँ: न्हेबर भाग किंब्मैं ताँन् न्हेम्, दिलेया पुरस्‍कार घ्रिइ मत्‍त्रे योंम्। छतसि क्हेमैं या पुरस्‍कार योंल् खाँल्‍ले न्हेद्।

२ पत्रुस 2:19

ङिइ क्हेमैं छ्याँबै घ्याँर डोरेस्यो बिसि चमैंइ म्हिमैंने बाछा फैमुँ, दिलेया खेंमैंन् आछ्याँबै घ्याँर प्रम्। तलेबिस्याँ म्‍हिइ तो सैलाइ सैं पिंमुँ, च सैए केब्छैं तसि चए न्होंर्न टिल् त्हुम्।