रोमी 6:10 - परमेश्‍वरए ताँ तमु क्युइर

¹⁰ पाप नास लवाबै ल्हागिर ख्रीष्‍ट तिला सिमिंइ, दिलेया ख्रीष्‍ट धबै सोसि परमेश्‍वरए सैंर मैंब् धोंबै के लसिन् टिरिइमुँ।

रोमी 6:10 ပူးပေါင်းရင်းမြစ်များ

लूका 20:38

याहवेह सियाबै म्‍हिमैंए परमेश्‍वर आङिं, सोगों तब्मैंए परमेश्‍वर ग, तलेबिस्याँ खीए ल्हागिर ताँन् म्हि सोगों मुँ।”

रोमी 6:11

च धोंलेन् क्‍हेमैंज्‍यै या ह्रों-ह्रोंसलाइ पापए लेखि सिसि परमेश्‍वरए मान लबै ल्हागिर ख्रीष्‍टने बालुन् सोरिइमुँ बिसि मैंल् त्‍हुम्।

रोमी 6:9

तलेबिस्याँ ख्रीष्‍ट सिसेया धबै सोगों तइमुँ, तारे खी खोंयोंइ आसि, खीलाइ कालइ तोइ लल् आखाँ बिसि ङ्योइ सेइमुँ।

रोमी 8:3

म्‍हिए आछ्याँबै इच्‍छाए भोंलाइ ट्होरिगे बिसि परमेश्‍वरजी खीए च्ह येशूलाइ ख्रो तबर चु ह्‍युलर कुल्‍मिंइ। परमेश्‍वरए च्‍ह येशूजी म्‍हिए कमजोरि आछ्याँबै बानि मुँबै रुप किंसि ख्रो तसि म्हिमैंए आछ्याँबै इच्‍छाए भोंलाइ नास लवाइ। छले ठिमइ लल् आखाँबै के परमेश्‍वरजी लमिंइ।

२ कोरिन्थी 5:15

ङ्यो ह्रोंसए ल्हागिर छ्ह थोब आङिं, खीए ल्हागिर छ्ह थोरिगे बिसि येशू ख्रीष्‍ट ङ्योए ल्हागिर सिमिंसि धबै सोगों तइ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ पत्रुस 4:6

छतसि सियाब्‍मैंनेया खीजी सैं तोंबै ताँ बिमिंइ। ताँन् म्हिमैं धोंले ज्युर सजैं योंसि चमैं सिइ, दिलेया प्‍ल्‍हर परमेश्‍वरने टिल् योंरिगे बिसि येशूजी सियाब्मैंलाज्यै या सैं तोंबै ताँ बिमिंइ।