रोमी 6:1 - परमेश्‍वरए ताँ तमु क्युइर

¹ छतसि ङ्योइ तो बिले? परमेश्‍वरए दयाम्हाँया झन् ल्हें योंरिगे बिसि ङ्यो झन् पापन् लरिब् आ?

रोमी 6:1 ပူးပေါင်းရင်းမြစ်များ

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 6:15

तारे तो बिले? ङ्यो ठिमए न्होंर आरे, दयाम्हाँया न्‍होंर मुँ बिसि पाप लब् वा? आङिं, लल् आत!

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

१ पत्रुस 2:16

क्‍हेमैं आछ्याँबै सैउँइँले फ्रेमिंबै म्हिमैं धोंले छ्ह थोद्। दिलेया आछ्याँबै सैउँइँले फ्रेमिंबै म्हिमैं ग बिसि ठिमए बिरोधर्बै केमैं आलद्। बरु परमेश्‍वरए के लबै म्हिमैं धोंले छ्ह थोद्।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।